Qazaqstandyq eksporttaýshylar Resei aýmaǵynda qiyndyqtarǵa tap bolyp otyr. Bul máseleni búgin Májiliste ótip jatqan úkimet saǵatynda depýtat Máýlen Áshimbaev kóterdi. Onyń aitýynsha, memleketik organdar osy máselege nazar aýdaryp, otandyq kásipkerlerdiń múddesin qorǵaýy qajet, dep habarlaidy Baq.kz tilshisi.
«Eýropa elderi negizinen bizdiń energetikalyq resýrstar men mineraldyq shikizatty satyp alady. Al otandyq taýar óndirýshilerdiń ónimin negizinen Resei, Qytai men Ortalyq Aziia elderi importtaidy. Osyǵan bailanysty seriktes elderdiń úkimetterimen qazaqstandyq eksporttaýshylar tap bolǵan túrli kedergilerdi joiý boiynsha jumysty kúsheitken mańyzdy. Memleket basshylarynyń deńgeiinde túsinistik pen ózara qoldaý, saýda-ekonomikalyq bailanysty keńeitý boiynsha kelisimder bar. Biraq olardy oryndaý deńgeiinde máseleler týyndap jatatyny jasyryn emes. Máselen, búingi kúni Eýraziialyq ekonomikalyq odaq elderinde otandyq taýar óndirýshilerdiń múddesin ilgeriletýde qiyndyqtar joq emes», - deidi M.Áshimbaev.
Depýtattyń aitýynsha, kedendik odaq aiasynda kedendik kedergiler joiylǵanymen, kórshi eldiń aýmaǵynda bizdiń kásipkerlerdi tekseretin basqa beketter qurylǵan.
«Atameken» ulttyq kásipkerler palatasynyń málimeti boiynsha Resei aýmaǵynda aldyn ala habarlandyrý beketteri qurylǵan. Qazaqstandyq kásipkerler aýyl sharýashylyǵy ónimin eksporttaǵan kezde osy jerde tekserýden ótedi. Bizdiń taýar óndirýshiler osy beketterdiń jumysyn, tekserý ótkizý merzimin, talap etiletin qujattardyń tizimin bilmeidi. Ári beketter bir-birinen alshaq ornalasqan, munyń bizdiń kásipkerler úshin shyǵyny úlken», - deidi ol.
Budan bólek, Reseige et eksporttaý kezinde de qiynshylyqtar týyndaidy. Sondai-aq, Resei men Belarýs qazaqstandyq alkogol ónimderine qatysty shekteý sharalaryn da joiǵan joq.
«Osylaisha, Eýraziialyq ekonomikalyq odaqtyń áleýetin iske asyrý Syrtqy ister ministrligi men ózge memlekettik organdardan qazaqstandyq eksporttaýshylardyń birqatar naqty máselelerin sheshý boiynsha baiypty jumysty qajet etedi», - deidi depýtat.
