«Kaspii Qubyr jelisi Konsortsiýmy-K» AQ bas direktory Nikolai Gorban Qazaqstannan qansha kólemde munai eksporttalatynyn aityp berdi, dep habarlaidy QazAqparat.
«Kaspii Qubyr jelisi Konsortsiýmy Batys Qazaqstannan munaidy Qara teńizdegi teńiz terminaly arqyly álemdik naryqtarǵa jetkizetin negizgi eksporttyq qubyr. Ol Qazaqstannan munai eksportyn uiymdastyrý júiesinde mańyzdy strategiialyq pozitsiiaǵa ie. Kaspii qubyr konsortsiýmy Qazaqstan Respýblikasynyń Tuńǵysh Prezidentiniń bastamasymen Batys Qazaqstan ken oryndary men Kaspii teńizinde ornalasqan birqatar reseilik kenishterden munai tasymaldaý úshin qurylǵan», - dedi Nikolai Gorban Ortalyq kommýnikatsiialar qyzmetindegi baspasóz máslihatynda.
Onyń aitýynsha, qubyrdyń uzyndyǵy 1,5 myń shaqyrymdy quraidy. 15 munai aidaý stansasynan, sondai-aq Qara teńiz jaǵalaýyndaǵy qashyqtyqtan ailaq quraldary bar teńiz terminalynan turady.
«Joba Qazaqstan men Reseidegi joǵary memlekettik deńgeide qaltqysyz qoldaýǵa ie boldy. Al 1996 jyly aktsionerler kelisimge qol qoidy. Qazaqstanda Teńiz, Qarashyǵanaq jáne taǵy basqa ken oryndaryn óńdeitin, sondai-aq jumys isteitin iri munai óndirýshi kompaniialardyń barlyǵy derlik aktsionerler qataryna kiredi. 2020 jyldyń sońynda konsortsiýmnyń teńiz terminalynda 59 million tonnadan astam munai qabyldanyp, jóneltildi. Onyń 51,7 million tonnasy qazaqstandyq júk jóneltýshilerdiń úlesinde. Ókinishke qarai, bul jospardan shamamen 7 millionǵa tonnaǵa az. Iaǵni biz jospardyń 89,8%-yn ǵana oryndadyq, 572 tanker jónelttik», - dedi spiker.
