Tashkentte ótip jatqan aýyr atletikadan jastar, qyzdar jáne jasóspirimder arasyndaǵy Aziia chempionatynda Qazaqstannyń 2 ókili altyn aldy, dep habarlaidy "Ult aqparat" QR Aýyr atletika federatsiiasyna silteme jasap.
81 kelige deiingi salmaq dárejesinde Karina Quzǵanbaeva qossaiys nátijesi boiynsha 227 kg (101+126) ziltemirdi kóterip, jastar arasynda (20 jasqa deiin) Aziia Chempiony atandy.
Ekinshi oryndy 186 kg (100+86) kótergen ózbekstandyq Liailahon Hýrsanova ielendi.
+81 kg absoliýtti aýyr salmaqta óner kórsetken Aisamal Sansyzbaeva julqa jáne serpe kóterýde 249 kilony (109+140) igerip, Jastar jáne jasóspirimder arasyndaǵy Aziia chempiony atandy.
Ekinshi orynǵa qossaiys nátijesi boiynsha 215 kg (90+125) kótergen qytailyq Taipeiden kelgen Ling-Chen Van jaiǵasty.
Úshinshi oryndy 155 kg (70+85) ziltemir kóterip, Mońǵoliia ókili ielendi.
Jastar jáne jasóspirimder arasyndaǵy Aziia chempionaty 20 aqpanǵa deiin jalǵasady. Qazaqstannyń atynan 10 sportshy qatysyp jatyr. Olardyń ishinde Gúlnur Ybyrai (64 kg deiingi salmaq dárejesi) jáne Saihana Taisýeva (67 kg deiin) altyn aldy, Abylai Áýelhan (55 kg deiin) kúmis ielense, Aqmolda Sairamkez (61 kg deiin) qola medalge qol jetkizdi.
Alda 81 kg deiin Esenkeldi Sápi, 89 kg deiin Nurǵisa Ádiletuly, 96 kg deiin Artem Antropov pen Rahat Bekbolat ziltemir kóterýge shyǵady.
