QR Syrtqy ister ministri Qairat Ábdiraxmanov óz qyzmetkerlerin otandyq kiim-keshekti alýǵa úndedi, dep xabarlaidy QazAqparat.
«Bizdiń diplomattar jyl saiyn kiim-keshekke arnalǵan aqshany alyp otyrady. Kelesi jyly 1 qańtardan bastap ol aqsha taǵy berile bastaidy. Oǵan kostiým, kóilek, aiaq-kiim jáne taǵy basqa qajetti zattardy alý qajet. Endi, syrtta júrgende diplomattardyń ústindegi kiim-keshek te durys bolýy kerek qoi. Kelesi jyldan bastap meniń barlyq qyzmetkerlerim dúkenge baryp, «Made in Kazakstan» degen jazýy bar kiim alsa eken deimin», - dedi Q.Ábdiraxmanov «Protecting business and investments» jobasynyń qorytyndysyna arnalǵan jiynda.
Ministrdiń aitýynsha, diplomattarǵa er adamǵa arnalǵan 200 kostiým, áiel adamǵa arnalǵan 200 kostiým, budan bólek, 400 kóilek, 500 galstýk tigip bere alatyn otandyq kásiporyn bolsa, syrtqy ister vedomstvosy atalǵan kásipkerlik nysanmen jumys isteýge daiyn.
«Osy bastamany naýqanshylyqqa ainaldyrmai-aq qoiaiyq. Bárin óz jerimizde alýymyz qajet. Meili, basqa eldiń ónimi bolsa da, ony tek Qazaqstanda ǵana satyp alamyz. Biraq birden eskertip qoiaiyn, bizdi aldaý qiyn. Óitkeni shetelde jii júremiz jáne ol jaqtaǵy baǵalardy jaqsy bilemiz. Áitpese, baǵasyn «1 million teńge» dep jazyp qoiady da, 50 protsenttik jeńildikpen satady. Sonda bizge 500 myńǵa berip jatady. Al shetelde onyń baǵasy áldeqaida tómen. Olai bolmasyn», - dep atap kórsetti Q.Ábdiraxmanov.
