Parlament Májilisiniń depýtaty Erlan Sairov telearnadaǵy tikelei efirde keleńsiz jaǵdaiǵa tap boldy, - dep habarlaidy Tengrinews.kz agenttigi.
28 qarashada "Habar 24" telearnasyndaǵy jańalyqtar kezinde Ekibastuzdan tikelei bailanysqa shyqqan depýtat Erlan Sairov jerge túkiredi. Sol sáttiń videosy áleýmettik jelide qyzý talqylandy.
Tengrinews.kz tilshisimen suhbatynda depýtat Sairov bolǵan oqiǵaǵa ókinetinin jáne halyqtan keshirim suraýǵa daiyn ekenin aitty.
"Osynyń bári kóshede, keshki ýaqytta, qatty aiazda, elsiz jerde boldy. Qajet bolsa kórermenderden, halyqtan keshirim surai alamyn.
Menińshe, osyndai aýa raiynda mundai keleńsiz jaǵdaidyń bolýy qalypty. Biraq, árine, kóshede túkirýge bolmaidy. Qajet bolsa, aiyppul tóleimiz", - dedi májilismen.
Erlan Sairov - qazaqstandyq saiasatker, VII sailanǵan Qazaqstan Parlamenti Májilisiniń depýtaty. Parlament Májilisiniń Halyqaralyq ister, qorǵanys jáne qaýipsizdik komitetiniń múshesi. Sondai-aq, Qazaq álipbiin latyn grafikasyna kóshirý jónindegi ulttyq komissiianyń jáne Prezident janyndaǵy Ulttyq qoǵamdyq senim keńesiniń múshesi.
