Qazaqstandyq jas ánshi Daneliia Tóleshova Ýkrainanyń «Golos. Diti» konkýrsynyń finalyna shyqty, dep habarlaidy "Ult aqparat". Daneliia bul joly Andra Deidiń «Rise Up» kompozitsiiasyn oryndap, tálimgeri Dmitrii Monatiktiń janaryna jas úiirdi.
Monatikten bólek basqa da qazylar ("Vremia i Steklo" toby jáne Natalia Mogilevskaia) jas talanttyń erekshe ónerine tamsanyp, onyń bolashaq juldyz ekendigin aitty.
Almatynyń 10 jastaǵy týmasynyń ónerin tamashalaǵan qarsylastary da, ustazy da, kórermender de sezimderin jasyra almady.
«Sene alar emespin! Men finaldamyn!!! Qoldaý bildirgenderińizge úlken alǵys aitam, ásirese tálimgerim Monatikke erekshe alǵys!», – dep jazdy ánshi óziniń instagram paraqshasynda. Daneliia Týleshova «Golos. Diti» baiqaýynyń finalyna ótken alǵashqy qazaqstandyq.
Esterińizge sala keteiik, bul «Golos. Diti» baiqaýynyń 4 maýsymy. Qazaqstandyq arý «Jabyq tyńdalym» («Slepye proslýshivanie») kezeńinde Demi Lovatonyń repertýarynan «Stone Cold» ánin oryndap, búkil tóreshilerdiń tańdanysyn týǵyzdy. Qazirgi tańda bul videony youtube jelisinen 6 millionnan astam adam kórip úlgergen.
Baiqaýdyń finaldyq kezeńinde jeńimpazdy kórermender daýys berý arqyly ǵana anyqtaidy.
