قازاقستاندىق جاس ەنشٸ دانەلييا تٶلەشوۆا ۋكراينانىڭ «گولوس. دiتي» كونكۋرسىنىڭ فينالىنا شىقتى, دەپ حابارلايدى "ۇلت اقپارات". دانەلييا بۇل جولى اندرا دەيدٸڭ «Rise Up» كومپوزيتسيياسىن ورىنداپ, تەلٸمگەرٸ دميتريي موناتيكتٸڭ جانارىنا جاس ٷيٸردٸ.
موناتيكتەن بٶلەك باسقا دا قازىلار ("ۆرەميا ي ستەكلو" توبى جەنە ناتاليا موگيلەۆسكايا) جاس تالانتتىڭ ەرەكشە ٶنەرٸنە تامسانىپ, ونىڭ بولاشاق جۇلدىز ەكەندٸگٸن ايتتى.
الماتىنىڭ 10 جاستاعى تۋماسىنىڭ ٶنەرٸن تاماشالاعان قارسىلاستارى دا, ۇستازى دا, كٶرەرمەندەر دە سەزٸمدەرٸن جاسىرا المادى.
«سەنە الار ەمەسپٸن! مەن فينالدامىن!!! قولداۋ بٸلدٸرگەندەرٸڭٸزگە ٷلكەن العىس ايتام, ەسٸرەسە تەلٸمگەرٸم موناتيككە ەرەكشە العىس!», – دەپ جازدى ەنشٸ ٶزٸنٸڭ ينستاگرام پاراقشاسىندا. دانەلييا تۋلەشوۆا «گولوس. دiتي» بايقاۋىنىڭ فينالىنا ٶتكەن العاشقى قازاقستاندىق.
ەستەرٸڭٸزگە سالا كەتەيٸك, بۇل «گولوس. دiتي» بايقاۋىنىڭ 4 ماۋسىمى. قازاقستاندىق ارۋ «جابىق تىڭدالىم» («سلەپىە پروسلۋشيۆانيە») كەزەڭٸندە دەمي لوۆاتونىڭ رەپەرتۋارىنان «Stone Cold» ەنٸن ورىنداپ, بٷكٸل تٶرەشٸلەردٸڭ تاڭدانىسىن تۋعىزدى. قازٸرگٸ تاڭدا بۇل ۆيدەونى youtube جەلٸسٸنەن 6 ميلليوننان استام ادام كٶرٸپ ٷلگەرگەن.
بايقاۋدىڭ فينالدىق كەزەڭٸندە جەڭٸمپازدى كٶرەرمەندەر داۋىس بەرۋ ارقىلى عانا انىقتايدى.
