QR Básekelestikti qorǵaý jáne damytý agenttiginiń ónerkásiptik jáne agroónerkásiptik keshen departamentiniń direktory Ásemgúl Nurmaǵambetova bólshek saýdany damytýda qandai kedergiler baryn aityp berdi.
«Bólshek saýda naryǵyna shyǵýdyń negizgi kedergileri mynalar ekenin atap ótken jón: ekonomikalyq kedergiler bar, atap aitqanda, satyp alý qabiletiniń tómendep, tutyný baǵalarynyń óskeni baiqalady. Jer ýchaskelerin alý rásiminen bastalatyn ákimshilik kedergiler de bar. Baǵany retteý tártibi baryn eskersek, bizde eń joǵary baǵany memleket belgileidi», - dedi Ásemgúl Nurmaǵanbetova agenttiktiń onlain baspasóz máslihaty barysynda.
Onyń aitýynsha, riteildi damytý úshin kelesi qadamdardy jasaý kerek:
- baǵa shekteýin alyp tastaý;
- tutynýshylar suranysy turǵysynan salystyrmaly resýrstar men saýda jelileriniń baǵa týraly aqparattyq mindettemesi.
«Sonymen qatar, biznesti tiimdi túrde damytý úshin qazaqstandyq bólshek saýda kompaniialary sheteldik tájiribeni úirenýi kerek. Osylaisha bul salaǵa innovatsiialyq kásipkerlik tehnologiialardyń álemdik tájiribesi engizilýi tiis», - dep atap ótti Ásem Nurmaǵanbetova.
