Japoniia astanasy Tokio qalasynda ótip jatqan Olimpiada oiyndarynda qazaqstandyq boksshy Zakir Safiýllin alǵashqy jekpe-jeginen súrinbei ótti, dep habarlaidy "Ult aqparat".
Ol 63 kelide perýlik Leodan Peso Saboiiamen qolǵap túiistirdi.
Tóreshilerdiń biraýyzdan sheshimimen jeńis 5:0 esebimen qazaqstandyq boksshyǵa berildi.
Osylaisha ol 1/8 finalǵa joldama aldy.
Zakir Safiýllin 1986 jyly 11 qarashada dúniege kelgen. Buǵan deiin 2015 jyly Aziia chempiony atanǵan.
Tokio Olimpiadasynda qazaqstandyq boksshylar segiz salmaqta baq synaidy.
Olardyń qatarynda Sáken Bibosynov (52 keli), Abylaihan Júsipov (69 keli), Ábilhan Amanqul (75 keli), Bekzat Nurdáýletov (81 keli), Vasilii Levit (91 keli) jáne Qamshybek Końqabaev (91 keliden joǵary) bar.
Aita keteiik, budan buryn Serik Temirjanov (57 keli) vengrlik Roland Galoshty (5:0) jeńdi.
