Qazaqstandyq boksshy Tursynbai Qulahmet (1-0, 1 KO) Ońtústik Krikbidegi (Angliia) shoýdyń hedlaineri bolady, dep habarlaidy Sports.kz saity.
MTK Global promoýter kompaniiasy qazaqstandyq boksshynyń Angliia sportshysy Makolei Makgoýenmen (14-0-1, 3 KO) jekpe-jegin keshtiń basty oqiǵasy bolatyndyǵyn rastady. Qulahmet pen Makgoýen birinshi orta salmaqta WBC International chempiony bos titýly úshin judyryqtasady.
Eske sala keteiik, Tursynbai Qulahmet kásibi ringtegi debiýtin 23 tamyzda ótkizgen bolatyn. Ol qazaqstandyq Saǵadat Rahmanqulovpen (6-2, 4 KO) aiqasyp, ony tórtinshi raýndta ýaqytynan buryn jeńgen bolatyn.
Osylaisha 26 jastaǵy qazaqstandyq óziniń ekinshi jekpe-jeginde chempiondyq belbeý úshin judyryqtasady.
