Almaty.tv
Qazaqstandyq bloger Juldyz Aqbolat óziniń qymbat kýrstaryna kóńili tolmaityn stýdentterge jaýap berdi, - dep habarlaidy Tengrinews.kz.
Juldyz Aqbolat sońǵy úsh jyldan beri qazaqstandyqtarǵa óndiristiń qyr-syryn úiretip keledi. Osy ýaqyt ishinde onyń kýrstaryna 20 myńnan astam adam qatysyp, tiisti sertifikattaryn alǵan. Sońǵy 130 adam biylǵy jyldyń naýryz-sáýir ailarynda oqydy. Alaida keibir qatysýshylar kýrstarǵa kóńili tolmai, olardyń tiimsiz ekenin BAQ arqyly málimdegen.
"Aqparat shyndyqqa janaspaidy, ony joqqa shyǵarǵym keledi. Telearnalardyń birinde 20 stýdent shaǵymdanǵanyn aitty. Alaida is júzinde quqyq qorǵaý organdaryna bes-aq aryz túsken. Sonyń ishinde tek ekeýi ǵana Juldyz Aqbolat basqaratyn Inekon Group kompaniiasyna jazylǵan. Qalǵandary bizge eshqandai qatysy joq", - dedi bloger Juldyz Aqbolattyń múddesin qorǵaityn zańger Saltanat Dihanbaeva.
Ol eki shaǵym boiynsha quqyq qorǵaý organdaryna kýrsty ótý deregin rastaityn barlyq qujattardy usynǵanyn aitty.
"Shaǵymdanýshylardyń biri bizdiń kýrstar onyń biznesine, iaǵni nishasyna sáikes kelmeitinin aitty. Sondai-aq, ol kýrsta berilgen aqparatty paidalaný arqyly aqsha tappaǵanyn aitady. Kelisimshart boiynsha bizdiń tarap kýrs usynady, al stýdent úi tapsyrmasyn tapsyrýy kerek. Al bul ótinish berýshi birde-bir tapsyrma oryndaǵan joq. Qalai ol kýrstyń shartyn oryndamai jatyp aqsha tappadym dep málimdei alady.
Taǵy bir qatysýshy segiz modýldiń altaýyn oqyp, kýrs tiimsiz dep shaǵymdandy. Ol alty modýl aiasynda bizge úi tapsyrmasyn jibergen joq, esep bolyp tabylmaityn jai ǵana referattar jiberdi", - dep atap ótti Dihanbaeva.
Zańger quqyq qorǵaý organdary barlyq qujattardy tekserip, bul daýdy azamattyq jolmen sheshý kerek degen qorytyndyǵa kelgenin aitty.
"Tártip saqshylary bizdiń tarapymyzdan qylmystyq nemese ákimshilik quqyq buzýshylyq anyqtalmaǵanyn aitty. Tiisinshe, daý azamattyq sotta sheshilýi kerek. Bul durys, óitkeni biz klientpen jasalǵan shartqa sáikes óz qyzmetterimizdi tolyq kólemde kórsettik. Stýdentterge platformadaǵy sabaqtarǵa qol jetimdilik berildi. Olardyń talaptary azamattyq sotta qaralýy tiis jáne biz onda óz quqyǵymyz ben múddelerimizdi qorǵaýǵa daiynbyz", - dep qorytyndylady Saltanat Dihanbaeva.
