Qazaqstandyq «Bastaý» dombyrashylar toby Gollivýdta ótetin álemdik shoýǵa qatysýǵa joldama jeńip aldy. Bul týraly toptyń prodiýseri Alpamys Sharimov óziniń instagram paraqshasynda jariialady.
«Bastaý» toby Latviia astanasy Rigada ótken "Voshodiashie zvezdy" xalyqaralyq baiqaýyna qatysyp, bas júldege ie boldy.
«Súiinshi!!! «Bastaý» toby Latviia astanasy Rigada ótken "Voshodiashie zvezdy" xalyqaralyq baiqaýyna qatysyp, ártúrli mýzykalyq aspaptardy artqa qaldyryp, qazaq dombyrasymen BAS JÚLDEGE ie boldy!!! Basty syilyq - Hollywood-ta ótetin úlken shoýǵa joldama aldy!!! Qutty bolsyn, Qazaq eli! Qýan, Qazaqstan! Gollivýd, kezdeskenshe!!! Bizge qoldaý kórsetken Aiman Qojabekqyzy Musaxodjaeva xanymǵa myń alǵys!!!» – dep jazdy Alpamys Sharimov.
Dombyrashylar baiqaýda «Kúi tartys» jáne «Evraziia» kúilerin oryndaǵan. Nátijesinde, «Bastaý» toby Gollivýdta ótetin úlken álemdik shoýǵa qatysý múmkindigine ie boldy.
