Eldegi segiz bankke ákimshilik aiyppuldar salyndy, dep habarlaidy finprom.kz.
Biylǵy jyldyń mamyr aiynyń sońyndaǵy málimet boiynsha QR bank sektorynda 27 ekinshi deńgeili bank boldy, olardyń 14-i sheteldikterdiń qatysýmen jumys isteidi. Qazaqstan Respýblikasynyń ekinshi deńgeili bankteriniń jiyntyq aktivteri jylyna 13% -ǵa artyp, 28,2 trln teńgeni qurady.
Bul rette, aktivterdiń jáne basqa da kóptegen qarjylyq kórsetkishterdiń ósýine qaramastan, osy jyldyń birinshi jartyjyldyǵynda bankterge qatysty qarjylyq qyzmetterdi tutynýshylardyń quqyqtaryn qorǵaý aiasynda 87 yqpal etý sharalary qoldanyldy.
Olardyń ishinde ákimshilik aiyppuldar, qadaǵalaýdyń usynymdyq sharalary, jazbasha uiǵarymdar bar. Bankter kóp jaǵdaida Qazaqstan Respýblikasynyń bank zańnamasynda, sondai-aq Qazaqstan Ulttyq Bankiniń normativtik quqyqtyq aktilerinde belgilengen normalardy saqtamaidy:
- banktik qaryzdarǵa qyzmet kórsetý;
- tólemder men aqsha aýdarymdary;
- banktik shottarǵa qyzmet kórsetý.
Qazaqstan Respýblikasynyń ekinshi deńgeili 8 bankine tikelei ákimshilik aiyppul salyndy. Bankterge salynǵan ákimshilik aiyppuldardyń jalpy somasy 2020 jyldyń birinshi jartyjyldyǵynda 47,6 mln. teńgeni qurady. Ákimshilik jaýapkershilik qarastyrylǵan bankter jasaǵan negizgi zańbuzýshylyqtar:
- «Tólemder jáne tólem júieleri týraly» Qazaqstan Respýblikasynyń Zańynda belgilengen tólemder jáne (nemese) aqsha aýdarymdary boiynsha nusqaýlyqtardy oryndaý merzimderin buzý;
- Qarjy monitoringi sýbektileriniń Qazaqstan Respýblikasynyń qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl týraly zańnamasyn qarjy monitoringine jatatyn operatsiialar týraly aqparatty qujattyq tirkeý, saqtaý jáne usyný bóliginde zań buzý;
- basqa da zańbuzýshylyqtar. Ákimshilik aiyppuldyń eń kóp mólsheri AziiaKredit bankine salyndy. Oǵan barlyǵy 21,9 mln teńge aiyppul salynǵan.
Sondai-aq, Reseidiń Sberbanki (11,1 mln. teńge) jáne Capital Bank Kazakhstan (7,8 mln. teńge) antikóshbasshylar qatarynda. Tengri Bankke 4,2 million teńge, Alfa-Bankke 1,1 million teńge aiyppul salyndy.
