Qazaqstan halqynyń 8,7 millionǵa jýyǵy – analar, súiikti jar, meiirimdi otanasy, otbasy men shańyraqty saqtaýshy áielder. Názik jandylardyń el bolashaǵyna qosqan úlesi óte zor, olar ekonomika salasyna belsendi úles qosýda. Elimizdegi áielder kásipkerligi qarqyndy damyp keledi, hanymdar basshylyǵymen kásiporyndar iske qosylyp, balabaqshalar ashylyp, óndiris oryndarynyń jumysy jolǵa qoiylýda. Al áielder biznesin qoldaý úshin bankter biregei baǵdarlamalardy qolǵa alǵan. Sonyń ishinde nesielik usynystardyń tiimdiligin atap aitýǵa bolady.
2016 jyldyń jeltoqsany men 2017 jyldyń mamyr ailarynda ForteBank Eýropalyq qaita qurý jáne damý bankinen áielder kásipkerligin damytýǵa jalpy kólemi 10 million dollar aldy. Bul qarajat 6 ai ishinde tolyq igerildi. Al 2018 jyly qarjy uiymy kásipker áielderdi qoldaý maqsatynda ForteBusiness Woman biregei baǵdarlamasyn ázirlep, isker hanymdardyń 540 jobasyna demeýshilik jasady. Banktiń shaǵyn jáne orta bizneske berilgen nesieleriniń úshten bir bóligi áielderge tiesili.
"Qazaqstannyń IJÓ 39,5 paiyzy, shaǵyn jáne orta biznesiniń 43 paiyzy áielderdiń enshisinde, al jeke kásipkerlerdiń 52 paiyzyn názikjandylar quraidy. Biz el damýyna áielderdiń qosqan úlesi qanshalyqty zor ekenin jáne ForteBank kásipkerlerdi belsendi qoldaitynyn jurtshylyqtyń túsingenin qalaimyz", – dep atap ótti ForteBank basqarmasynyń tóraǵasy Gýram Andronikashvili.
Biznes-ledilerdi qoldaý úshin ForteBank "Biznes – áielderdiń de isi" jobasyn jasap, Forte pour Femme — "Myqty áiel" hosh iissýyn shyǵardy. Aqpan aiynyń sońǵy aptasynda biz biznestegi áielder tapqan aqshaǵa iissý shyǵaryp, ForteBank bankomattary men kassalary arqyly ainalymǵa jiberdik. Sondai-aq, isker áielderdiń biznes kassalarynda qolma-qol aqshaǵa satýǵa qoiyldy. Bul bastamany 105 satý núktesi bar 43 kásipker hanym qoldady jáne olardyń sany ósý ústinde.
Jarnama naýqanynyń maqsaty – áielderdi óz isin ashýǵa jáne damytýǵa serpin berý, yntalandyrý. Ol úshin ForteBank birneshe tanymal kásipker áieldi manifest-beineroliktiń keiipkeri retinde shaqyrdy. Túsirilimderge: "Qaǵanat" ashanalar jelisiniń negizin qalaýshy Chinara Býgimbaeva, TAKITA marketingtik agenttiginiń negizin qalaýshy Zinaida Pak, FILO pándik dizain stýdiiasynyń negizin qalaýshy Anastasiia Leonova, Mimioriki balalar kiimderi brendiniń negizin qalaýshy Inna Apenko, Saniya Ilyassova sulýlyq salondary jelisiniń negizin qalaýshy Saniia Iliasova, Rentatonica kiimder dúkeniniń negizin qalaýshy Kira Maisheva, fashion-prodiýser jáne brendiniń negizin qalaýshy Dinara Sátjan, «ARDA» balalar fýtbol mektebiniń ortaq iegeri Nazym Janǵazinova, «Aq álem» tazalaý kompaniiasynyń negizin salýshy Aqmaral Basirova, «Arýjan jáne Ko» prodiýserlik ortalyǵynyń negizin qalaýshy Arýjan Sain, PIPL konsaltingtik biýrosynyń negizin qalaýshy Mari Mýstafina, «SK Boxing » boks mektepteri jelisiniń negizin qalaýshy Aiala Qonaqbaeva.
Beinerolikti myna silteme boiynsha kórýge bolady: https://www.youtube.com/watch?v=FbIfCXnP7Pg , sondai-aq qazaqstandyq birqatar telearnalar efirinde kórsetildi.
"2019 jyly ForteBank áielder basqaratyn kompaniialar úshin arnaiy birneshe ónim shyǵarady. Biz áielder kásipkerligin damytýǵa óz úlesimizdi qosqymyz keledi. Sondyqtan qazir naqty biznes-ledilerdiń pikirin jinaimyz jáne olardyń usynystary men ideialary boiynsha qajetti jáne yńǵaily ónimder jasaimyz", dep túsindirdi bank basqarmasynyń tóraǵasy Gýram Andronikashvili.
