Qazaqstandyq balýan Dáýlet Shabanbaidyń 2012 jylǵy Olimpiadanyń jartylai finalyndaǵy qarsylasy grýzin Davit Modzmanashvili doping daýyna ilikti. Bul týraly Halyqaralyq Olimpiada komiteti habarlady.
"Davit Modzmanashvilidiń qanynan tyiym salynǵan preparattar tabylyp, Olimpiada-2012 erejesin buzdy. Ol qatysqan týrnirden shettetilip, 120 kg deiingi salmaqta erler arasyndaǵy erkin kúresten alǵan medalin qaitarýǵa mindetteledi", — dep jazylǵan HOK resmi habarlamasynda.
Osylaisha, Davit kúmis medalinen aiyrylyp, ony reseilik Bilial Mahov alady, al onyń "qolasy" qazaqstandyqqa beriledi.
Esterińizge sala keteiik, tanymal qazaqstandyq sportshy Olga Rypakova da on jyldan keiin Beijiń Olimpiadasynyń kúmis medalin ielengen bolatyn. Rypakova ol kezde úsh qarǵyp sekirýden tórtinshi oryn ielengen edi. Alaida keiinirek qola jáne kúmis júldeger atanǵan atletter – grekiialyq Hrisopiia Devettsi men reseilik Tatiana Lebedevanyń doping paidalanǵany dáleldenip, jarystaǵy nátijeleri joiyldy.
