Qazaqstandyq Nilýfar Raimova Ýfada kúres túrlerinen jastar arasynda álem chempionatynda jeńimpaz atandy, dep habarlaidy "Ult aqparat".
Qazaqstan ulttyq olimpiada komiteti málim etkenindei, qazaqstandyq balýan qyz 57 kelige deiingi salmaqta úzdik shyqty.
Finalda Raimova italiialyq Avrora Rýssomen beldesti.
Birinshi kezeńde qarsylasy alda turdy. Degenmen ekinshi kezeńde Nilýfar tarazy basyn ózine aýdara bildi. Sóitip tartysty kezdesýde 8:6 esebimen jeńiske jetti.
Aita keteiik, buǵan deiin osy dúniejúzilik dodada Nurdáýlet Qýanyshbai 74 kelige deiingi salmaqta kúmis, al Asyljan Esengeldi (57 kg) men Bekzat Ermekbai (65 kg) qola júldegen atanǵan bolatyn.
