Plastikalyq ota jasatý úshin Saratov klinikalarynyń birine barǵan Qazaqstan azamaty kóz jumdy, ol operatsiiadan keiin komaǵa túsip, esin jimaǵan.
"Novosti Saratova" portalynyń málimetinshe, oqiǵa beisenbi, 21 aqpan kúni TerraSomnia klinikasynda bolǵan. Otyz toǵyz jastaǵy áielge liposaktsiia – hirýrgiialyq jolmen mai qyrtystaryn alyp tastaý otasy jasalǵan.
Saratov prokýratýrasy klinikada naýqastyń qaitys bolǵany týraly aqparatty rastady. Atalǵan derek boiynsha tekseris júrgizilip jatyr, dep habarlady RIA Novosti.
Sondai-aq plastikalyq hirýrgiia qyzmetin kórsetetin osy klinikada 2017 jyly da naýqas kóz jumǵany habarlanyp otyr. Al eki kún buryn taǵy bir áiel klinikaǵa jaraqat keltirgeni úshin shaǵymdanǵan.
Prokýratýra bul klinikanyń qyzmeti toqtatylýy múmkin ekenin joqqa shyǵarmaidy.
