Las-Vegasta aýyr atletikadan jasóspirimder arasynda ótip jatqan Álem chempionatynda qazaqstandyq aýyr atlet álemdik rekord ornatyp, altyn medal ielendi, dep habarlaidy QazAqparat.
Eske sala ketsek, qazirgi ýaqytta Las-Vegasta aýyr atletikadan jasóspirimder arasyndaǵy Álem chempionaty ótip jatyr. Dodada el namysyn bes sportshy qorǵaýda.
Chempionattaǵy alǵashqy medaldy Qazaqstan quramasynyń qorjynyna 16 jastaǵy sportshy Sairamkez Aqmolda salǵan edi. Almaty oblysynyń týmasy 61 kilogramǵa deiingi salmaq sanatynda altyn medaldy jeńip aldy.
Al búgin Qazaqstan aýyr atletika federatsiiasy saiystyń ekinshi kúni 67 kelige deiingi Saihan Taisýev qossaiysta 288 keli kótergenin (127 keli julqa kóterýde jáne 161 keli serpe kóterýde) habarlady.
«Sonymen birge Saihan julqi jáne serpe kóterý jattyǵýynda kishi altyn medaldi ielendi. Budan bólek, Saihan serpe kóterýde óziniń jas sanatynda jańa álemdik rekord ornatty», - delingen federatsiianyń habarlamasynda.
