Qazaqstandyq jeńilatlet Nora Djerýto Oregondaǵy álem chempionatynda "altyn" alǵannan keiin alǵash ret pikir bólisti, - dep habarlaidy Tengrinews.kz tilshisi Vesti.kz saityna silteme jasap.
Djerýto 3000 metrge kedergiler arqyly júgirýde birinshi oryn aldy. Ol qashyqtyqty 8:53,02-de júrip ótip, álem chempionaty rekordyn ornatty. Sondai-aq, ol maýsymdaǵy eń jaqsy nátijesin jańartqan.
"Start aldynda efiopiialyq áriptesterimnen qoryqqan edim. Olardyń áleýetin bilemin, olar da - men siiaqty chempiondar. Sondyqtan qoryqtym. Degenmen jeńiske jetý úshin barymdy saldym. Bul ońai bolǵan joq.
Alda júgirip otyrýdy uiǵardym, jaǵdaidy qashyqtan baqylaýdy unatamyn. Óitkeni medal úshin kúrese alatynyma senimdi bolǵym keldi.
Men ákem men anama, bapkerime jáne básekelesterime, sonymen qatar menedjerim men ápkem Deizi alǵys aitýym kerek. Ol bul qashyqtyqta finalǵa óte almady, biraq men oǵan kelesi chempion sol bolatynyn aitqym keledi", - dep keltiredi Worldathletics Djerýtonyń sózin.
Eske salaiyq, Keniianyń týmasy Djerýto Qazaqstanǵa 2017 jyly kóship kelgen. 2022 jyly ol álem chempionatynda Qazaqstan atynan shyǵýǵa resmi ruqsat aldy.
