Shanhai yntymaqtastyq uiymyna múshe memleketter – Úndistan, Qazaqstan, Qytai, Qyrǵyzstan, Pákistan, Resei, Tájikstan, Ózbekstan áskeri kontingentteri terrorizmge qarsy birlesken «Beibit missiia – 2021» komandalyq-shtabtyq oqý-jattyǵýyna qatysady.
QR Qorǵanys ministrliginiń málimetinshe, bul oqý-jattyǵý Resei Federatsiiasynyń Orynbor oblysynda ótedi.
Oǵan Qazaqstan Qarýly Kúshterinen «Batys» óńirlik qolbasshylyǵynyń jeke quramy, áskeri-áýe kúshteriniń Sý-25 ushaqtary qatysady.
Oqý-jattyǵý aiasynda ShYU-ǵa múshe elderdiń áskeri kontingentteri terrorizmge qarsy birlesken operatsiiaǵa daiyndalý jáne ony ótkizý máselelerin pysyqtaidy.
Bul «Beibit missiia» 2007 jylǵy 27 maýsymdaǵy Shanhai yntymaqtastyq uiymyna múshe memleketter arasyndaǵy birlesken áskeri oqý-jattyǵý ótkizý týraly kelisim aiasynda 2 jylda bir ret ótkiziledi.
