Atyraýlyq Ernazar Juban ýkrainalyq "Daýys" shoýyna qatysty, - dep habarlaidy Tengrinews.kz tilshisi.
Ol áigili The Weeknd-tiń Take My Breath ánin oryndady. Sońǵy sátke deiin ony eshkim tańdamady, tek sońǵy sekýndtarda Potap buryldy.
"Qazaqstandyq qatysýshylardy qatty jaqsy kóremiz. Olar árqashan myqty", - dep túsindirdi Potap.
25 jastaǵy mýzykant árdaiym "Daýysqa" qatysýdy armandaǵanyn aitty. Ol kúzde ótinish bergen. Sodan keiin kastingke shaqyrtý alǵan. Ernazar Juban Kievke túsirilimge Qazaqstandaǵy tártipsizdikterden keiin halyqaralyq reister ashylǵannan keiin ǵana ushyp bardy.
"Árqashan Ýkrainaǵa baryp, óz elimniń namysyn qorǵaýdy armandaitynmyn. Shynymdy aitsam, jobaǵa kelmes buryn Potaptyń komandasyna bolǵym keldi. Bári dál men oilaǵandai bolǵanda qatty baqytty boldym. Onyń shyǵarmashylyǵy árqashan qyzyq bolatyn. Tálimger retinde ol úlken qoldaý kórsetedi", - dedi Juban.
Ernazar Juban Júrgenov atyndaǵy óner akademiiasynyń úshinshi kýrsynda "Estradalyq vokal" mamandyǵynda oqidy. Ol - halyqaralyq baiqaýlardyń laýreaty ári jeńimpazy, sondai-aq X-Factor jáne "Qazaqstan daýysy" shoýlaryna qatysqan. Qazir simfoniialyq orkestrde bek-vokalist bolyp jumys isteidi.
