Qazaqstanda Satybaldy Narymbetovtyń "Amanat" filmin "Shet tildegi úzdik film" nominatsiiasy boiynsha "Oskarǵa" usynyldy, - dep jazady Hollywood Reporter.
Tarihi drama repressiiaǵa ushyraǵan tarihshy Ermuhan Bekmahanovtyń taǵdyryna arnalady. Ermuhan Bekmahanov Kenesary Qasymov bastaǵan ult-azattyq qozǵalys jaily ǵylymi tujyrymdamalar jasaǵan.
Aita keteiik, Qazaqstan 1992 jyly alǵash ret "Oskarǵa" film usynǵan bolatyn. Osylaisha 2006 jyldan beri jyl saiyn "Oskarǵa" film usynylyp otyrady.
Eske sala keteiik, "Qazaqfilm" stýdiiasynyń "Amanat" kartinasy 2016 jyldyń 19 mamyrynda prokatqa shyqqan bolatyn. Repressiiaǵa ushyraǵan tarihshy Bekmahanov jaily filmniń tanystyrylymy da ótti. Siýjet boiynsha - úsh jeli men úsh keiipker - Kenesary, Ermuhan jáne Ramazan - árqaisysy oidy ózdiginen jetkizgisi keledi. Rejisserdiń aitýynsha, stsenaristerdiń jobasy boiynsha, ótpeli jeli - ár keiipkerdiń ulttyń bostandyǵy men táýelsizdigine degen muraty. Halimanyń rolinde Qarlyǵash Muhamedjanova jáne Ermuhan Bekmahanovtyń rolinde Berik Aitjanov. Akterler Sanjar Mádiev pen Qarlyǵash Muhamedjanova baspasóz máslihatynda túsirilim aldynda tarihi derektermen tanysyp shyqqanyn aityp berdi. Mádiev bolsa basty rolge tańdalǵan kezinde Kenesarynyń rolinde oinaýǵa ruqsat suraý úshin meshitke de barypty.
