Sarapshylardyń boljamy boiynsha bolashaqta 239 jańa mamandyq paida bolady, 129-y joiylyp, 95-i qatty ózgeristerge ushyraidy, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«Elektrondyq eńbek birjasynyń portalynda ekonomikanyń negizgi 9 salasy boiynsha Qazaqstandaǵy jańa kásipter men quzyretterdiń atlasy jariialandy . Atlasty qurastyrǵan sarapshylardyń boljamy boiynsha bolashaqta 239 jańa mamandyq paida bolady, 129-y joiylyp, 95-i qatty ózgeristerge ushyraidy. Atlasta jańa, ózgeretin jáne joiylyp bara jatqan kásipter anyqtalǵan, sonymen qatar eńbek naryǵyn syni túrde ózgertetin negizgi tehnologiialyq trendterdiń taldanǵan», delingen habarlamada.
Atlastyń negizgi bóligin ázirleý forsait-sessiialar sheńberinde 9 negizgi sala boiynsha ótti: munai-gaz, aýyl sharýashylyǵy, kólik jáne logistika, mashina jasaý, aqparattyq-kommýnikatsiialyq tehnologiialar, energetika, týrizm, taý-ken metallýrgiia kesheni jáne qurylys. Salalyq ministrlikterdiń qatysýymen salalyq qaýymdastyqtardan 2 myńnan astam sarapshy tartyldy.
3 qarashada QR Eńbek jáne halyqty áleýmettik qorǵaý ministrliginde beiindi ministrlikter ókilderiniń qatysýymen Atlas nátijeleri qaralyp, qabyldandy, olar qazirgi ýaqytta EEB-da árbir qyzyǵýshylyq tanytqan azamatqa qoljetimdi.
Búgingi tańda IOS jáne Android platformalaryna arnalǵan mobildi qosymsha ázirlenip jatyr.
Esterińizge sala keteiik, «Eńbek naryǵynda suranysqa ie jańa kásipter men quzyretterdiń atlasy» ulttyq jobasy QR Prezidentiniń «Barshaǵa ortaq igilik! Sabaqtastyq. Ádildik. Órleý» sailaýaldy baǵdarlamasy jáne «Birge» jalpyulttyq aktsiiasy barysyndaǵy usynystar boiynsha ázirlengen. Atlas jumyspen qamtý jáne eńbek daǵdylary salasyndaǵy nátijelerdi jaqsartýǵa, tehnikalyq jáne kásiptik bilim berý uiymdary men joǵary oqý oryndarynda daiarlaý, oqytý baǵdarlamalarynyń ózektiligin arttyrýǵa baǵyttalǵan. Atlas nátijeleri jańa bilim berý pánderin engizý kezinde oqý oryndary úshin negizgi baǵdarǵa ainalady.
