Qazaqstanda byltyr bolǵan "Soiýz FG" zymyrany apatynyń saldaryn joiý boiynsha barlyq shara aiaqtaldy, dep habarlaidy RIA Novosti eki eldiń úkimetaralyq komissiiasyn Resei tarapynan basqaratyn vitse-premer Iýrii Borisovtyń baspasóz qyzmetine silteme jasap.
Máskeýdegi otyrysta "Soiýz MS-10" kemesiniń apaty saldaryn joiý máselesi qaralǵan.
"2018 jyldyń 11 qazanynda "Baiqońyr" ǵarysh ailaǵynan ushyrý kezinde "Soiýz-FG" zymyran tasyǵyshynyń apatqa ushyraýy saldaryn joiý boiynsha jumystardy aiaqtaý máselesi qaraldy. Bekitilgen jospar oryndaldy", - delingen Borisovtyń baspasóz qyzmetiniń habarlamasynda.
2018 jylǵy "Soiýz" apaty
2018 jyldyń 11 qazanynda "Soiýz-FG" zymyran tasyǵyshyn ushyrý qaiǵyly aiaqtala jazdady – keme Baiqońyrdan usha bastaǵanda apatqa ushyrap, saldarynan ǵaryshkerler Aleksei Ovchinin (Resei) men Nik Heig (AQSh) Jerge avtomattandyrylǵan apattyq júie arqyly oralýǵa májbúr boldy.
Qazaqstannyń tótenshe jaǵdailar komiteti 12 qazanda Qaraǵandy oblysynda zymyran tasyǵyshtyń bólshekteri tabylǵanyn málimdedi.
Reseilik ǵaryshker Aleksei Ovchinin men amerikalyq astronavt Nik Heig ǵarysh kemesi ushqannan keiin 20 minýttan soń jerge qondy.
"Soiýz" kemesinde janarmaidyń ýly komponentteri – geptil men amil paidalanylǵan. Sol sebepti kemeniń bóligi jerge qulaǵannan keiin mamandar janarmai qaldyqtaryn jinap, jerdi óńdeýi qajet boldy.
2018 jyldyń qarashasynda Reseidiń federaldy meditsinalyq-biologiialyq agenttigi basshysynyń orynbasary Viacheslav Rogojnikov aitqandai, bul jumystar 2019 jyldyń kókteminde júrgiziledi dep josparlanǵan.
