Qazaqstandaǵy memlekettik qyzmetshilerdiń 70 paiyzy qashyqtan jumys isteý tártibine ótti, dep habarlaidy "Ult aqparat".
«Memleket basshysynyń ókimimen Qazaqstan halqynyń qaýipsizdigi úshin elimizde tótenshe jaǵdai engizildi. Premer-ministrdiń jetekshiligimen tótenshe jaǵdai rejimin qamtamasyz etý jónindegi memlekettik komissiia búgin de jumys istep jatyr. Qabyldanǵan sharalardyń negizgi maqsaty – koronavirýs indetiniń elimizdiń basqa óńirlerine taralýyn tejeý», - dedi Eraly Toǵjanov Úkimettiń baspasóz ortalyǵynda ótken onlain rejimdegi brifing barysynda.
Úkimet basshysynyń orynbasary osy maqsatta naqty birneshe shara qabyldanǵanyn eske saldy.
«Birinshiden Nur-Sultan men Almaty qalalaryna qalalaryna kirip-shyǵý shekteledi. Naýryz aiynyń 22-nen saǵat 00.00-den bastap atalǵan eki qala men áýe, temir jol, avtobýs arqyly adam tasý toqtatylady. 22-ne deiin azamattarǵa elorda men Almatyǵa erkin kelýge nemese ketýge bolady. Ekinshiden óndiristik taýarlar satatyn jáne oiyn-saýyq ortalyqtary, mádeniet, tamaqtaný jáne qyzmet kórsetý ortalyqtary ýaqytsha jabyldy. Azyq-túlik dúkenderi men dárihanalar burynǵy tártip boiynsha jumys isteýde», - dedi ol.
Eraly Toǵjanov úshinshiden Prezidenttiń sheshimimen Qazaqstandaǵy memlekettik qyzmetshilerdiń 70 paiyzy qashyqtan qyzmet etý tártibine ótti.
«Nur-Sultan men Almaty qalalarynyń menshik túrine qaramastan barlyq memlekettik mekemelerdiń jumysy qashyqtan qyzmet etý tártibine ótedi. Bul sharalardyń negizgi maqstay – ár azamattyń óz úiinde bolýyn, basqa azamattarmen qarym-qatynasyn tolyǵymen shekteýdi qamtamasyz etý», - dedi ol.
