Mal sharýashylyndaǵy jem-shóp bazasyn damytý maqsatynda eginshilikte naqty ártaraptandyrý isi júzege asyrylady. Bul týraly Úkimet otyrysynda Aýyl sharýashylyǵy ministri Erbol Qarashókeev málim etti, dep habarlaidy QazAqparat.
«Memleket basshysynyń 2021 jylǵy 1 qyrkúiektegi Qazaqstan halqyna Joldaýynda bergen tapsyrmalaryn oryndaý úshin Aýyl sharýashylyǵy ministrligi birqatar júieli sharalar qabyldaityn bolady. Aýa raiy faktorlarynyń aýyl sharýashylyǵy óndirisine teris áserin boldyrmaý, sondai-aq mal sharýashylyǵynyń azyqtyq bazasyn damytý maqsatynda eginshilikte naqty ártaraptandyrý isi júzege asyrylady. Bul úshin aýyl sharýashylyǵy taýaryn óndirýshiler arasynda keńinen túsindirý jumystary júrgiziledi. Sondai-aq jer paidalanýshylardyń qazirgi zamanǵy tsifrlyq tehnologiialardy, ǵaryshtyq monitoring pen Jerdi qashyqtan zondtaýdy, ártaraptandyrý protsesin memlekettik retteý sharalaryn paidalana otyryp, jaldaý sharty aiasynda ózderine qabyldaǵan mindettemelerdi oryndaýyn baqylaý tetikteri ázirlenetin bolady», - dedi E. Qarashókeev.
Onyń aitýynsha, nátijesinde azyqtyq daqyldardy ósirý alańynyń aýyspaly egistegi úlesi ǵylymi negizdelgen normalarǵa deiin jetkizilip, keminde 2 ese ulǵaiady.
«Jaiylymdardy tiimdi paidalaný maqsatynda olardy baqylaýdyń jańa ádisteri, tiisti memlekettik qoldaý sharalary barynsha paidalanylatyn bolady. Sondai-aq jaiylymdardy túbegeili jáne jeńil-jelpi jaqsartý, sonymen qatar sýlandyrýdyń barynsha tiimdi modelderin qoldana otyryp, jańa jaiylymdyq jerlerdi ainalymǵa tartý arqyly jaiylymdardyń ónimdiligin arttyrýdyń jańa tásildemeleri ázirlenip, engiziledi», - dedi E. Qarashókeev.
