Qytai men Qazaqstan arasyndaǵy diplomatiialyq qarym-qatynastardyń 25 jyldyǵyna orai ánshi Dimash Qudaibergen eldegi Qytai elshiliginiń qurmet gramotasymen marapattaldy, dep habarlaidy "Ult aqparat".
Ánshiniń Instagram paraqshasynda jariialanǵan fotosýrette Qytai Halyq Respýblikasynyń Qazaqstan Respýblikasyndaǵy Tótenshe jáne Ókiletti Elshisi Chjan Hanxýeidiń Dimashqa qurmet gramotasyn tabystaý sáti beinelengen.
Eske sala ketsek, Dimash Qudaibergen fanattarynyń qurmetine biylǵy týǵan kúnin Qytai astanasynda atap ótedi. 24 mamyr kúni Beijiń qalasynda «Tosyn syiǵa toly týǵan kún keshi» taqyrybyndaǵy kezdesý ótedi. Bul kezdesýde ánshi jańa týyndylaryn oryndap, Qytaida alǵan áserlerimen, oilarymen bólisedi.
Qytaidaǵy «Dimashtyń ápkeleri»（@迪玛希姐姐站_DimashSister）atty fanattar toby Andromeda galaktikasyndaǵy juldyzdardyń birine Dimashtyń atyn berdi. Olar Amerikanyń Name A Star Live jobasy arqyly Andromedadaǵy bir juldyzdy satyp alyp, Dimash Qudaibergenniń atymen juldyzdar kartasyna engizgen. Sondai-aq, bul juldyzdyń ataýyn Space Service INC (SSI) tizimine engizgen. Bul tizim SSI-diń ǵaryshtaǵy muraǵatynda máńgi saqtalady.
