Barsakelmesten Torǵai dalasyna eki qulan jetkizildi. Bul jónindegi Faceebok jelisindegi paraqshasynda QR EGTRM Orman sharýashylyǵy jáne janýarlar dúniesi komitetiniń baspasóz hatshysy Sáken Dilahmet málim etti.
2019 jylǵy 11 qazan kúni «Barsakelmes» memlekettik tabiǵi qoryǵynan memlekettik «Altyn dala» rezervatynyń aýmaǵyndaǵy jabaiy tuiaqtylardy reintrodýktsiialaý ortalyǵyna eki qulan ákelindi.
«Qazaqstandaǵy qulandy reintrodýktsiialaý» jobasy 2017 jyly Qazaqstan bioalýantúrlilikti saqtaý qaýymdastyǵymen jáne Norvegiia tabiǵatty qorǵaý institýymen birlesip qolǵa alynǵan.
Bizdiń elimizde qulan Qyzyl kitapqa engen jáne joǵalý qaýpi bar sirek kezdesetin janýarlar qatarynda. 2019 jyly Qazaqstandaǵy qulandardyń sany 4000-nan asady jáne birtindep ósip keledi, degenmen jarty ǵasyr buryn olardyń sany 100-den kóp bolmaǵan.
Janýarlardy birneshe kún buryn qazaqstandyq jáne sheteldik mamandandardyń birlesken toby ustady.
Sondai-aq, janýarlardy ustaý barysynda olardy zertteý úshin jáne qorǵalýyn jaqsartý maqsatynda úsh qulanǵa GPS-habarlaǵysh qoiylǵan. Osylaisha Barsakelmes qoryǵynyń aýmaǵynda belgi qoiylǵan alty qulan júr.
Altyn Emel ulttyq saiabaǵynda habar taratqyshpen júrgen eki janýardy jáne Yrǵyz-Torǵai rezervatyndaǵy eki qulandy esepteitin bolsaq, Qazaqstan boiynsha on qulannan qundy aqparat alyp otyrmyz.
Shara Qazaqstan bioalýantúrlilikti saqtaý qaýymdastyǵynyń, QR EGTRM Orman sharýashylyǵy jáne janýarlar dúniesi komitetiniń jáne sheteldik áriptesterdiń 2017 jyldan beri júzege asyryp kele jatqan Ortalyq Qazaqstandaǵy qulandardy reintrodýktsiialaý jónindegi halyqaralyq jobasynyń biri bóligi bolyp sanalady.
Qulandardy ustap, jetkizýde Qazaqstan bioalýantúrlilikti saqtaý qaýymdastyǵynyń, «Ohotzooprom» ÓB» RMQK Aýdýrý ortalyǵynyń, Barsakelmes qoryǵynyń, Qyzylorda jáne Qostanai oblystyq aýmaqtyq inspektsiialardyń, «Altyn dala» memlekettik tabiǵi rezervatynyń qyzmetkerleri, sondai-aq, Aýstriia, Frantsiia, Germaniia jáne Vengriianyń mal dárigerleri qatysty.
