Qazaqstanda 2020 jylǵa qarai barlyq kitaphana qory sandyq júiege ótedi. Atalǵan sandyq júie kitaphana qyzmetiniń damýyna oń yqpal etip, kitaphana qoryn qurý, saqtaý jáne odan ári damytýǵa jańa múmkindikter beredi.
«Bul Qazaqstandaǵy barlyq kitaphanalardyń biryńǵai elektrondy katalogyn qurýǵa kómektesedi. Munyń izin ala Qazaqstan «TMD elderiniń elektrondy kitaphanasy» jobasyna qosylady. Bul jaǵdaida reseilik qorlarda saqtaýly turǵan erekshe kitaptar bizdiń azamattar úshin de qoljetimdi bolmaq. Sonymen bir ýaqytta respýblikada alǵash ret sirek ári erekshe kitaptar men qoljazbalardyń ortalyǵy ashylady», - dep atap ótti QR Premer-Ministriniń orynbasary Imanǵali Tasmaǵambetov.
Sonymen qatar, oqýshylar úshin ádebiet páni boiynsha mektep baǵdarlamasyna úzdik zamanaýi avtorlardyń shyǵarmalary engiziledi. Al, elimizdiń jas turǵyndaryna arnalǵan ádebi shyǵarmalardy tegin jarnamalaýǵa múmkindik berý qarastyrylǵan. Qazaqstandyqtardyń kitap oqýǵa degen qyzyǵýshylyǵyn arttyrý maqsatynda kitap oqýdy qoldaý jóninde vedomstvoaralyq keńes qurylady.
"Ult aqparat"
