Qazaqstandaǵy Izrail Elshiligi jumysyn qaita bastady, – dep habarlaidy «Ult aqparat».
«Qurmetti dostar, bizdiń Elshilik, sonymen qatar búkil álemdegi ózge de izraildik missiialar jumystaryn shtattyq rejimde qaita bastaidy. Izrail Syrtqy ister ministrligi men Qarjy ministrligi qyzmetkerleri arasyndaǵy kelissózder jalǵasatyn bolady», - delingen Qazaqstandaǵy Izrail Elshiliginiń Facebook-tegi paraqshasynda jariialanǵan aqparatta.
Buǵan deiin Izrail shet elderdegi diplomatiialyq missiialaryn jaýyp jatqany belgili bolǵan edi.
«Qarjy ministrligi Bas direktory bekitken jáne 2019 jyldyń 21 shildesinde qol qoiǵan kelisimderdi buzý týraly sheshimine jáne ondaǵan jyldar boiy kúshine enip kele jatqan hattamany ózgertetin shet elderdiń ókilderine birjaqty protsedýralardy engizýge bailanysty Syrtqy ister ministrligi shet elderdegi barlyq diplomatiialyq ókildikterdi jabýǵa májbúr. Konsýldyq qyzmetter kórsetilmeidi. Budan bólek, mekemege kirýge eshkimniń quqyǵy joq» dedi Izrail SIM.
