Sýret: Zakon.kz
1 jeltoqsandaǵy kórsetkish boiynsha qazaqstandyqtardyń zeinetaqy jinaqtary 14,4 trillion teńgeden asty. Jyl basynan beri zeinetaqy jinaqtarynyń ósimi 1,3 trillion teńgeden (nemese 10,2 paiyz) artyq kórsetkishke ie, - dep habarlaidy "Ult aqparat"Qordyń baspasóz qyzmetine silteme jasap.
"Mindetti zeinetaqy jarnalary boiynsha jeke zeinetaqy shottaryndaǵy jinaqtar da shamamen týra osyndai ósim - 9,9 paiyz nemese 1,2 trillion teńgeni kórsetti. 1 jeltoqsanǵa bul shottarda 13,9 trillion teńgeden astam qarajat jinaqtalǵan. Mindetti kásiptik zeinetaqy jarnalary boiynsha zeinetaqy jinaqtarynyń somasy 11 aida 20,7% paiyz ulǵaiyp, shamamen 436 milliard teńge boldy", - delingen qor habarlamasynda.
Jyl basynan bergi eń úlken ósimdi - 94,5 paiyz - erikti zeinetaqy jarnalary boiynsha jinaqtar kórsetip, ol 3,3 milliard teńgeden asqan.
"2022 jylǵy 1 qańtardan 1 jeltoqsanǵa deiin zeinetaqy jarnalary túrinde JZSh-ǵa 1,5 trillion teńgeden astam qarajat tústi. Bul ótken jyldyń sáikes kezeńimen salystyrǵanda 30 paiyz kóp. Ósim jarnalardyń barlyq túrleri boiynsha oryn aldy: ótken jyldyń sáikes kezeńimen salystyrǵanda MZJ kólemi 29 paiyz (nemese 329,5 millird teńgege), MZJ - 39 paiyz (nemese 19,4 milliard teńgege) ulǵaidy. Eń kóp ósim - 212 paiyz nemese 1,4 milliard teńge EZJ shottarynda boldy" - delingen Qor habarlamasynda.
Salymshylar men alýshylardyń shottaryna taza investitsiialyq tabys túrinde 777 mlrd teńgeden astam qarajat túsken.
"BJZQ-dan tólemder jyl basynan beri 1,1 trillion teńgeden asty. Tólemderdiń basym bóligin 902 milliard teńge mólsherindegi turǵyn úi jaǵdailaryn jaqsartýǵa jáne emdelýge arnalǵan birjolǵy zeinetaqy tólemderi qurady. Balamaly maqsattarǵa beriletin tólem kólemi ótken jylmen salystyrǵanda 58 paiyz tómendedi.
"Jasy boiynsha tólemder 22,6 paiyz ulǵaiyp, shamamen 109 milliard teńge boldy. Aita ketý kerek, BJZQ-dan keste boiynsha ortasha ailyq tólem somasy (zeinet jasyna tolýyna bailanysty) 29 876 teńgeni, al ai saiynǵy tólemniń eń joǵary somasy 707 326 teńgeni qurady.
Sondai-aq, muragerlik boiynsha tólemder – 55,8 mlrd teńge, QR sheginen tys turaqty turýǵa ketýge bailanysty tólemder – 45,3 mlrd teńge, múgedektik boiynsha tólemder – 2,2 mlrd teńge, jerleýge tólemder - 4,9 mlrd teńge. Saqtandyrý uiymdaryna shamamen 23,2 mlrd teńge aýdaryldy", - delingen habarlamada.
2022 jylǵy 1 jeltoqsandaǵy jaǵdai boiynsha BJZQ-daǵy jeke zeinetaqy shottarynyń sany 12,1 mln birlik boldy. Onyń ishinde mindetti zeinetaqy jarnalary boiynsha - 10,9 mln birlik, mindetti kásiptik zeinetaqy jarnalary boiynsha shottar sany - 592 250 birlik, al erikti zeinetaqy jarnalary esebi boiynsha 356 116 JZSh ashylǵan.
