سۋرەت: Zakon.kz
1 جەلتوقسانداعى كٶرسەتكٸش بويىنشا قازاقستاندىقتاردىڭ زەينەتاقى جيناقتارى 14,4 تريلليون تەڭگەدەن استى. جىل باسىنان بەرٸ زەينەتاقى جيناقتارىنىڭ ٶسٸمٸ 1,3 تريلليون تەڭگەدەن (نەمەسە 10,2 پايىز) ارتىق كٶرسەتكٸشكە يە, - دەپ حابارلايدى "ۇلت اقپارات"قوردىڭ باسپاسٶز قىزمەتٸنە سٸلتەمە جاساپ.
"مٸندەتتٸ زەينەتاقى جارنالارى بويىنشا جەكە زەينەتاقى شوتتارىنداعى جيناقتار دا شامامەن تۋرا وسىنداي ٶسٸم - 9,9 پايىز نەمەسە 1,2 تريلليون تەڭگەنٸ كٶرسەتتٸ. 1 جەلتوقسانعا بۇل شوتتاردا 13,9 تريلليون تەڭگەدەن استام قاراجات جيناقتالعان. مٸندەتتٸ كەسٸپتٸك زەينەتاقى جارنالارى بويىنشا زەينەتاقى جيناقتارىنىڭ سوماسى 11 ايدا 20,7% پايىز ۇلعايىپ, شامامەن 436 ميلليارد تەڭگە بولدى", - دەلٸنگەن قور حابارلاماسىندا.
جىل باسىنان بەرگٸ ەڭ ٷلكەن ٶسٸمدٸ - 94,5 پايىز - ەرٸكتٸ زەينەتاقى جارنالارى بويىنشا جيناقتار كٶرسەتٸپ, ول 3,3 ميلليارد تەڭگەدەن اسقان.
"2022 جىلعى 1 قاڭتاردان 1 جەلتوقسانعا دەيٸن زەينەتاقى جارنالارى تٷرٸندە جزش-عا 1,5 تريلليون تەڭگەدەن استام قاراجات تٷستٸ. بۇل ٶتكەن جىلدىڭ سەيكەس كەزەڭٸمەن سالىستىرعاندا 30 پايىز كٶپ. ٶسٸم جارنالاردىڭ بارلىق تٷرلەرٸ بويىنشا ورىن الدى: ٶتكەن جىلدىڭ سەيكەس كەزەڭٸمەن سالىستىرعاندا مزج كٶلەمٸ 29 پايىز (نەمەسە 329,5 ميلليرد تەڭگەگە), مزج - 39 پايىز (نەمەسە 19,4 ميلليارد تەڭگەگە) ۇلعايدى. ەڭ كٶپ ٶسٸم - 212 پايىز نەمەسە 1,4 ميلليارد تەڭگە ەزج شوتتارىندا بولدى" - دەلٸنگەن قور حابارلاماسىندا.
سالىمشىلار مەن الۋشىلاردىڭ شوتتارىنا تازا ينۆەستيتسييالىق تابىس تٷرٸندە 777 ملرد تەڭگەدەن استام قاراجات تٷسكەن.
"بجزق-دان تٶلەمدەر جىل باسىنان بەرٸ 1,1 تريلليون تەڭگەدەن استى. تٶلەمدەردٸڭ باسىم بٶلٸگٸن 902 ميلليارد تەڭگە مٶلشەرٸندەگٸ تۇرعىن ٷي جاعدايلارىن جاقسارتۋعا جەنە ەمدەلۋگە ارنالعان بٸرجولعى زەينەتاقى تٶلەمدەرٸ قۇرادى. بالامالى ماقساتتارعا بەرٸلەتٸن تٶلەم كٶلەمٸ ٶتكەن جىلمەن سالىستىرعاندا 58 پايىز تٶمەندەدٸ.
"جاسى بويىنشا تٶلەمدەر 22,6 پايىز ۇلعايىپ, شامامەن 109 ميلليارد تەڭگە بولدى. ايتا كەتۋ كەرەك, بجزق-دان كەستە بويىنشا ورتاشا ايلىق تٶلەم سوماسى (زەينەت جاسىنا تولۋىنا بايلانىستى) 29 876 تەڭگەنٸ, ال اي سايىنعى تٶلەمنٸڭ ەڭ جوعارى سوماسى 707 326 تەڭگەنٸ قۇرادى.
سونداي-اق, مۇراگەرلٸك بويىنشا تٶلەمدەر – 55,8 ملرد تەڭگە, قر شەگٸنەن تىس تۇراقتى تۇرۋعا كەتۋگە بايلانىستى تٶلەمدەر – 45,3 ملرد تەڭگە, مٷگەدەكتٸك بويىنشا تٶلەمدەر – 2,2 ملرد تەڭگە, جەرلەۋگە تٶلەمدەر - 4,9 ملرد تەڭگە. ساقتاندىرۋ ۇيىمدارىنا شامامەن 23,2 ملرد تەڭگە اۋدارىلدى", - دەلٸنگەن حابارلامادا.
2022 جىلعى 1 جەلتوقسانداعى جاعداي بويىنشا بجزق-داعى جەكە زەينەتاقى شوتتارىنىڭ سانى 12,1 ملن بٸرلٸك بولدى. ونىڭ ٸشٸندە مٸندەتتٸ زەينەتاقى جارنالارى بويىنشا - 10,9 ملن بٸرلٸك, مٸندەتتٸ كەسٸپتٸك زەينەتاقى جارنالارى بويىنشا شوتتار سانى - 592 250 بٸرلٸك, ال ەرٸكتٸ زەينەتاقى جارنالارى ەسەبٸ بويىنشا 356 116 جزش اشىلعان.
