Jýrnalister qazaqstandyq qundylyqtar ainalasynda ultty biriktirýde asa mańyzdy missiiany oryndap keledi. Bul týraly Qazaqstan halqy Assambleiasynyń kezekti otyz birinshi sessiiasynda Prezident Qasym-Jomart Toqaev málim etti, dep habarlaidy QazAqparat.
«Otandyq buqaralyq aqparat quraldarynyń maqsaty elimizdegi jáne álemdegi jaǵdai týraly otandastarǵa beitarap ári jedel aqparat taratýmen bailanysty. Bizdiń tilshiler qazaqstandyq qundylyqtar ainalasynda ultty biriktirý, bizdiń memlekettilik pen halyqtyń birligin nyǵaitý boiynsha asa mańyzdy missiiany oryndap keledi», - dedi Qasym-Jomart Toqaev.
Prezidenttiń aitýynsha, ulttyq birlikke nuqsan keltirý maqsatyn kózdeitin arnaiy baǵyt bar. Osy oraida Qazaqstan halqy bul máselede saqtyq tanytyp, arandatýdyń shyrmaýyna túsip qalmaǵany mańyzdy.
«Qazaqstanda jalpy baspasóz basylymdary, radio, telearnalar etnosaralyq qatynastar salasynda obektivti habar taratady. Alaida álemdegi sońǵy oqiǵalar aqparattyq turǵyda bizdiń qoǵamdy keide baǵyttan adastyryp jatatynyn kórip júrmiz. Elimizdiń ár azamaty jariia alańǵa kirgende bizdiń ulttyq múddeni basshylyqqa alýy kerek», - dedi Memleket basshysy.
