QR Aýyl sharýashylyǵy ministrliginiń dereginshe, Qazaqstandaǵy aýyl sharýashylyǵy tehnikasy parki 143 myń traktordan jáne 37,6 myń kombainnan turady, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
2019 jyly shamamen 3,4 myń traktor jáne 1,2 myń kombain satyp alyndy. Byltyr shamamen 4,8 myń traktor jáne 1,2 myń kombain alyndy.
Jalpy, otandyq zaýyttar 93 mlrd. teńgege 6272 aýyl sharýashylyǵy tehnikasyn óndirdi. Jyldyq ósimi 98,2% qurap, quny jaǵynan shyǵarylym kólemi 2,5 esege artty.
Qazaqstanda Aqmola oblysyndaǵy «Agromash Holding KZ» jáne «Qostanai traktor zaýyty» (Lovol jáne Kirovets), «KAIK» zaýyty («Belarýs» jáne RSM markalary) jáne ShQO-daǵy «SemAZ» («Belarýs» markasy) zaýyttary traktor shyǵarady.
Kombaindardy «AgromashHolding KZ» (ESSIL markasy), «KAIK» (Acros) jáne KazRost Engineering Ltd (Vector, Acros) kásiporyndary jinaidy.
