Elbasy men Prezident tapsyrmasy aiasynda iske qosylǵan elimizdegi tuńǵysh loýkoster FlyArystan Qazaqstannyń batysyna jol tartady, dep habarlaidy "Ult aparat" kompaniianyń baspasóz qyzmetine silteme jasap.
FlyArystan baǵdarlar kestesin keńeitip, Atyraý qalasynda jańa bekettiń ashylýy týraly qýana habarlaidy. Reister 2020 jyldyń 15 shildesinen bastap oryndala bastaidy.
Jaily Airbus A320 ushaqtary munai astanasynan jańa 9 baǵyt boiynsha qatynaidy. 25 qazanǵa deiin oryndalatyn reisterge biletter flyarystan.com saitynda satylymǵa tústi.
- 4999 teńgeden bastap Aqtaýǵa kúndelikti, Aqtóbege aptasyna 4 ret (Ds, Ss, Bs, Sb), Oralǵa aptasyna 3 ret (Sr, Jm, Jk)
- 6999 teńgeden bastap aptasyna 2 ret Qostanaiǵa (Ss, Bs), Qyzylordaǵa (Ds, Jm)
- 9999 teńgeden bastap Shymkentke aptasyna 4 ret (Ss, Bs, Jm, Jk)
- 11 999 teńgeden bastap Qaraǵandydan aptasyna 3 ret (Ss, Sr, Sb)
- 12 999 teńgeden bastap Nur-Sultanǵa aptasyna 2 ret (Bs, Jk)
- 14 999 teńgeden bastap Almatyǵa aptasyna 2 ret (Ds, Sb)
Minimaldy bilet quny kórsetilgen, kezdeisoq oryn men 5 kg qoljúgin qamtidy. Joljúk, taǵam men oryndy tańdaý qosymsha qyzmetteri jolaýshy qalaýymen bólek tólenýi tiisti.
FlyArystan-nyń kommertsiialyq direktory Janar Jailaýovanyń aitýynsha ,Atyraý oblysy elimizdiń eń qarqyndy damyǵan indýstrialdy aimaǵy retinde ishki áýenaryqtyń damýyna zor úlesin qosa alady.
«FlyArystan Atyraý áýejaiyn aimaqtyq beketke ainaldyryp, áýekompaniianyń baǵdarlar kestesin keńeitýge daiyndyǵyn habarlaidy. Loýkost áýekompaniiasymen sapar shegemin deýshiler saiahatyn aldyn ala josparlaǵany abzal. Barlyq biletterdiń quny birdei bola almaidy. Ushyp shyǵý kúni neǵurlym jaqyndaǵan saiyn soǵurlym bilet quny qymbattai túsedi. Ásirese bul meiram, demalys jáne jaz maýsymyna qatysty ekenin atap ótken jón. Joljúkti de erterek flyarystan.com saitynan alyp qoiǵan durys, sebebi áýejaida jolaýshylar árbir keli úshin tólep, birneshe ese artyq shyǵyndanýy yqtimal», - deidi Janna Jailaýova.
Esterińizge sala ketsek, tótenshe jaǵdai aiaqtalyp, reisterdiń jandanýynan keiin, iaǵni 12 mamyrdan bastap FlyArystan Almaty men Nur-Sultannan qaita usha bastady.
Ótken bir aidyń ishinde tasymaldaýshy 70 myńnan astam jolaýshyny dittegen jerine jetkizip úlgerdi. 10 baǵyt boiynsha reisterdiń ortasha koeffitsienti 91% qurasa, olardy ýaqyty oryndaý kórsetkishi 95% jetti.
