Foto: Gov.kz
Qazaqstandaǵy alǵashqy AES-tiń qurylysyn júzege asyratyn halyqaralyq konsortsiýmdy "Rosatom" basqaratyn boldy. Bul týraly Atom energiiasy jónindegi agenttik málimdedi, dep habarlaidy Ult.kz.
«Atom energiiasy jónindegi agenttik, «Qazaqstandyq atom elektr stantsiialary» JShS jáne frantsýzdyq Assystem injenerlik kompaniiasy birlesip ázirlegen ádisteme negizinde usynylǵan reaktorlyq tehnologiialar keshendi túrde baǵalandy. Ol qaýipsizdik, tehnologiialyq jáne qarjylyq aspektiler, halyqaralyq tájiribe, kadr daiarlyǵy jáne óndiristi jergiliktendirý deńgeii siiaqty birqatar kórsetkishter boiynsha júrgizildi. Atom salasyn damytý máseleleri jónindegi vedomstvoaralyq komissiia júrgizilgen taldaý nátijesinde Qazaqstanda AES salý boiynsha eń ońtaily ári tiimdi usynystar reseilik «Rosatom» kompaniiasynan túskenin anyqtady», - delingen agettik habarlamasynda.
Qazirde «Rosatom» kompaniiasynyń usynystary aiasynda Qazaqstanda AES salý jobasyna Resei tarapynan memlekettik eksporttyq qarjylandyrý tartý máselesi qarastyrylýda.
Sonymen qatar Atom energiiasy agenttigi Qazaqstandaǵy alǵashqy atom elektr stantsiiasyn salý úshin tiimdi halyqaralyq konsortsiým qalyptastyrý baǵytynda sheteldik seriktestermen jumysty jalǵastyrýdy josparlap otyr.
