Qazaqstandaǵy AQSh elshiligi Ramazan aiymen quttyqtady. Elshilik qyzmetkerleri tamaq ázirlep, shelpek, baýyrsaq pisirip muqtaj jandarǵa taratqan videosymen bólisti dep habarlaidy "Ult aqparat".
«Qasietti Ramazan aiy múbárák bolsyn! Quranda Qudai «Ei, adam balasy!... bir-birińdi tanýlaryń úshin senderdi ulttar, rýlar qyldyq. Shynynda Allanyń qasynda eń ardaqtylaryń taqýalaryń» (Ál-Hýjýrat 13) delingen. Dál osyndai rýhty ustanǵan Nur-Sultandaǵy elshiligimizde AQSh-tyń teńiz jaiaý áskerleri, sondai-aq ókildigimizdegi eriktiler Aýyzasharǵa qosymsha dep biraz taǵam daiyndaimyz dep sheshim qabyldady», delingen habarlamada.
«Qasietti Ramazan aiynda óz erikterimen tamaq daiyndap, ony muqtaj jandarǵa jetkizgisi keletindigi týraly maǵan habarlady. Yqylas pen volonterlik amerikalyq dástúrdiń bir bóligi. Jáne men olardyń osy yntalaryn Qazaqstanda jalǵastyryp jatqanyna qýanamyn», dedi Qazaqstandaǵy AQSh elshisi Ýiliam Mozer.
Ol elshilikte osyndai meiirimdi jáne qamqor áriptesterdiń bolǵanyn maqtan etetinin jetkizdi.
«Osy aida qazaqstandyq jáne amerikalyq musylmandardyń kópshiligi pandemiiaǵa bailanysty Ramazan aiyn oqshaýlaný rejiminde ótkizýde. Áleýmettik ara qashyqty saqtap, maska kiiý tek biylǵy Orazada ǵana qajet bolady dep senemin. Berekeli ai bolsyn!», - dedi elshi.
