Jergilikti sailaý komissiialary 730 eldi mekendegi halyqtyń daýys berýine arnap jasaqtalǵan 1847 sailaý ýchaskesinde saiasi naýqanyna atsalysqan turǵyndardyń sany týraly málimet usyndy, dep habarlaidy "Ult aqparat".
Aýyl halqynyń daýys berýdegi belsendiligi boiynsha kósh basyna Shyǵys Qazaqstan oblysy shyǵyp otyr. Óńirdegi ákimi sailanatyn aýyl, aýyldyq okrýg, aýdandyq mańyzy bar qala men kent turǵyndarynyń 90,9 paiyzy óz tańdaýyn jasaǵan.
Jalpy óńirler boiynsha halyqtyń sailaýǵa atsalysý statistikasy mynadai:
Aqmola obysynda daýys berýshilerdiń 75,5 paiyzy, Aqtóbe oblysynda – 79, paiyz, Almaty oblysynda – 66,5 paiyz, Atyraý oblysynda – 74,4 paiyz, Shyǵys Qazaqstan oblysynda – 90,9 paiyz, Jambyl oblysynda – 90,7 paiyz, Batys Qazaqstan oblysynda – 81,4 paiyz, Qaraǵandy oblysynda – 75,8 paiyz, Qostanai oblysynda – 84,4 paiyz, Qyzylorda oblysynda – 83,6 paiyz, Mańǵystaý oblysynda – 82,4 paiyz, Pavlodar oblysynda – 76,9 paiyz, Soltústik Qazaqstan oblysynda – 87,1 paiyz, Túrkistan oblysynda – 77,1 paiyz sailaýshylar jergilikti ýaqyt boiynsha saǵat 20.00-ge óziniń konstitýtsiialyq quqyǵyn júzege asyrǵan.
Osylaisha, Qazaqstan boiynsha 730 eldi mekenniń ákimin anyqtaityn sailaý da máresine jetti. Zań boiynsha resmi qorytyndy sailaý ótkizilgennen keiin úsh kún ishinde shyǵarylyp, jeti kún ishinde sailanǵan ákimdi tirkeý iske asyrylady.
