Qazaqstanda 505 eldimeken sý tasqyny qaýpi bar aimaqta tur. Bul týraly ishki ister ministrligi tótenshe jaǵdailar komitetiniń tóraǵasy Vladimir Bekker habarlady.
Komitet dereginshe, tasqyn qaýpi tónip turǵan aimaqtar qatarynda Almaty (75 eldimeken), Shyǵys Qazaqstan (76), Aqmola (46), Aqtóbe (35), Qaraǵandy (33), Qyzylorda (31), Qostanai (52), Pavlodar (14) jáne Soltústik Qazaqstan (18) oblystary bar.
Bekker sý tasyǵan jaǵdaida jedel áreket etý úshin arnaýly jasaq qurylǵanyn habarlady. Onyń sózinshe, komitet bólimsheleriniń barlyǵy tótenshe jaǵdai bola qalǵanda [azamattardy] qutqarýǵa qajetti tehnikamen jabdyqtalǵan.
Resmi derek boiynsha, 2018 jyly kóktemde Qazaqstanda 58 eldimekende 1600 úidi erigen qar men jańbyr sýy basyp, tórt myńǵa jýyq adam qaýipsiz jerge kóshirilgen.
