Búgin Úkimet úiinde QR Premer-Ministri Asqar Maminniń qatysýymen «QazAvtoJol» UK» AQ men Far Eastern Electronic Toll Collection Co., LTD kompaniiasy jáne qazaqstandyq «Computer Vision Technologies» JShS Konsortsiýmy arasynda investitsiialyq shartqa qol qoiyldy, dep habarlaidy "Ult aqparat" primeminister.kz portalyna silteme jasap.
Kelisim «Nurly jol» memlekettik infraqurylymdy damytý baǵdarlamasyna sáikes avtojol salasyndaǵy intellektýaldy júielerdi damytýdy jáne respýblikalyq mańyzy bar aqyly avtomobil joldarynyń uzyndyǵyn ulǵaitýdy kózdeidi.
Shartqa sáikes, Konsortsiým respýblikalyq mańyzdaǵy QR 11 myń shaqyrym avtokólik joldaryna tólemaqy alý júiesin engizýdi júzege asyrady. Jobany iske asyrý 2 kezeńnen turady: 2020 jyly — 5,7 myń shaqyrym («Batys Eýropa – Batys Qytai» dálizi jáne t. b.), 2021-2024 jyldary — 5,3 myń shaqyrym («Qaraǵandy – Balqash – Almaty», «Taldyqorǵan – Qalbataý – Óskemen» jáne t. b.).
Konsortsiým investitsiialarynyń kólemi 25 mlrd teńgeden asady, qaitarý merzimi – 11 jyl. Jobanyń iske asyrylý jáne aqtalý nátijeleri boiynsha Tólemaqy alý júiesi infraqurylymymen birge memleket menshigine – «QazAvtoJol» UK» AQ-ǵa ótedi.
Joba 500-den asa jańa jumys ornyn qurýǵa, otandyq kompaniialardyń intellektýaldy kólik júiesi salasyndaǵy quzyretterin arttyrýǵa, avtomobil joldarynyń sapalyq qamtylýy men saqtalýyn qarjylandyrýdy qamtamasyz etýge, sondai-aq kólik quraldarynyń jyldamdyq rejimin baqylaý júiesimen tolyq qamtý arqyly olardyń apattylyǵyn tómendetýge múmkindik beredi.
1 tehnikalyq sanattaǵy joldarmen júrý aqysynyń mólsherlemesi QR-da paidalanylatyn basqa da aqyly joldardaǵy tárizdi bolady. 2 jáne 3 tehnikalyq sanattaǵy joldarda jeńil avtokólikter úshin jol júrý tegin.
Tólemaqy alý júiesi shlagbaýmsyz – ashyq bolady. Baǵdarlamalyq qamtý jalpy uzyndyǵy 682 shaqyrym bolatyn «Nur-Sultan – Shýchinsk», «Nur-Sultan – Temirtaý», «Almaty – Qapshaǵai» jáne «Almaty – Qorǵas» ýchaskelerinde jumys istep turǵan «QazAvtoJol» UK» AQ tólemaqy alý júiesimen» kiriktiriledi.
