بٷگٸن ٷكٸمەت ٷيٸندە قر پرەمەر-مينيسترٸ اسقار ماميننٸڭ قاتىسۋىمەن «قازاۆتوجول» ۇك» اق مەن Far Eastern Electronic Toll Collection Co., LTD كومپانيياسى جەنە قازاقستاندىق «Computer Vision Technologies» جشس كونسورتسيۋمى اراسىندا ينۆەستيتسييالىق شارتقا قول قويىلدى, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
كەلٸسٸم «نۇرلى جول» مەملەكەتتٸك ينفراقۇرىلىمدى دامىتۋ باعدارلاماسىنا سەيكەس اۆتوجول سالاسىنداعى ينتەللەكتۋالدى جٷيەلەردٸ دامىتۋدى جەنە رەسپۋبليكالىق ماڭىزى بار اقىلى اۆتوموبيل جولدارىنىڭ ۇزىندىعىن ۇلعايتۋدى كٶزدەيدٸ.
شارتقا سەيكەس, كونسورتسيۋم رەسپۋبليكالىق ماڭىزداعى قر 11 مىڭ شاقىرىم اۆتوكٶلٸك جولدارىنا تٶلەماقى الۋ جٷيەسٸن ەنگٸزۋدٸ جٷزەگە اسىرادى. جوبانى ٸسكە اسىرۋ 2 كەزەڭنەن تۇرادى: 2020 جىلى — 5,7 مىڭ شاقىرىم («باتىس ەۋروپا – باتىس قىتاي» دەلٸزٸ جەنە ت. ب.), 2021-2024 جىلدارى — 5,3 مىڭ شاقىرىم («قاراعاندى – بالقاش – الماتى», «تالدىقورعان – قالباتاۋ – ٶسكەمەن» جەنە ت. ب.).
كونسورتسيۋم ينۆەستيتسييالارىنىڭ كٶلەمٸ 25 ملرد تەڭگەدەن اسادى, قايتارۋ مەرزٸمٸ – 11 جىل. جوبانىڭ ٸسكە اسىرىلۋ جەنە اقتالۋ نەتيجەلەرٸ بويىنشا تٶلەماقى الۋ جٷيەسٸ ينفراقۇرىلىمىمەن بٸرگە مەملەكەت مەنشٸگٸنە – «قازاۆتوجول» ۇك» اق-عا ٶتەدٸ.
جوبا 500-دەن اسا جاڭا جۇمىس ورنىن قۇرۋعا, وتاندىق كومپانييالاردىڭ ينتەللەكتۋالدى كٶلٸك جٷيەسٸ سالاسىنداعى قۇزىرەتتەرٸن ارتتىرۋعا, اۆتوموبيل جولدارىنىڭ ساپالىق قامتىلۋى مەن ساقتالۋىن قارجىلاندىرۋدى قامتاماسىز ەتۋگە, سونداي-اق كٶلٸك قۇرالدارىنىڭ جىلدامدىق رەجيمٸن باقىلاۋ جٷيەسٸمەن تولىق قامتۋ ارقىلى ولاردىڭ اپاتتىلىعىن تٶمەندەتۋگە مٷمكٸندٸك بەرەدٸ.
1 تەحنيكالىق ساناتتاعى جولدارمەن جٷرۋ اقىسىنىڭ مٶلشەرلەمەسٸ قر-دا پايدالانىلاتىن باسقا دا اقىلى جولدارداعى تەرٸزدٸ بولادى. 2 جەنە 3 تەحنيكالىق ساناتتاعى جولداردا جەڭٸل اۆتوكٶلٸكتەر ٷشٸن جول جٷرۋ تەگٸن.
تٶلەماقى الۋ جٷيەسٸ شلاگباۋمسىز – اشىق بولادى. باعدارلامالىق قامتۋ جالپى ۇزىندىعى 682 شاقىرىم بولاتىن «نۇر-سۇلتان – ششۋچينسك», «نۇر-سۇلتان – تەمٸرتاۋ», «الماتى – قاپشاعاي» جەنە «الماتى – قورعاس» ۋچاسكەلەرٸندە جۇمىس ٸستەپ تۇرعان «قازاۆتوجول» ۇك» اق تٶلەماقى الۋ جٷيەسٸمەن» كٸرٸكتٸرٸلەدٸ.
