Qazaq memlekettik qyzdar pedagogikalyq ýniversitetinde Ǵylym jáne halyqaralyq bailanystar basqarmasy men «Kitaphanataný jáne bibliografiia» kafedrasynyń uiymdastyrýymen QR Prezidenti N.Á.Nazarbaevtyń «Qazaqstandaǵy 100 jańa esim» atty jobasyn iske asyrý sheńberinde «Qazaqstandaǵy 100 jańa esim jobasyna bilim alýshylardy tartý» atty G-Global portalynda halyqaralyq ON-LINE konferentsiia ótkizdi.
Ǵylymi konferentsiianyń maqsaty – Táýelsizdik jyldarynda tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarihy jóninde stýdentterdi aqparatttandyrý, baǵdarlamadaǵy naqty adamdardyń naqty taǵdyrlary men ómirbaiandary arqyly búgingi, zamanaýi Qazaqstannyń kelbeti kórinis tabatynyn kórsetý, sonymen qatar, aqylymen, qolymen, darynymen zamanaýi Qazaqstandy jasap jatqan naqty adamdardy qoǵamǵa tanytý.
Elbasy Nursultan Ábishuly Nazarbaev «Bolashaqqa baǵdar-ulttyq jańǵyrý» atty maqalasynda «Qazaqstandaǵy 100 jańa esim» jobasy arqyly zamandastarymyzdyń jetistikteriniń tarihyna nazar aýdarý máseleleri boiynsha aqparattandyrý ǵylymi konferentsiiany ótkizýge negiz boldy.
Konferentsiiaǵa Qazaq memlekettik qyzdar pedagogikalyq ýniversitetiniń, ál-Farabi atyndaǵy Qazaq Ulttyq ýniversiteti, M.Áýezov atyndaǵy Ońtústik Qazaqstan ýniversiteti ujymy, Túrkiia memleketi, Niide qalasy, Ómer Halisdemir ýniversitetiń ókilderi, Túrkiia memleketi, Bandyrma, Haider atyndaǵy Anadolý kásiptik-tehnikalyq kolledjiniń ókilderi qatysty.
Konferentsiia moderatory «Kitaphanataný jáne bibliografiia» kafedrasynyń meńgerýshisi p.ǵ.k., Gúlmira Nurjanova boldy. Atalǵan kafedranyń dotsenti p.ǵ.k., Dosymbaeva B.S., aǵa oqytýshy Úsenbaeva Sh.M., Elbasynyń maqalasy týraly oi-pikirlerin bildirip, arnaiy úlken baiandama jasady.
Táýelsiz Elimizdiń HHI ǵasyrdaǵy rýhani damý jolyn jan-jaqty da tereń taldap kórsetken Elbasymyz, Qazaqstan Respýblikasynyń Prezidenti Nursultan Ábishuly Nazarbaevtyń «Bolashaqqa baǵdar: rýhani jańǵyrý» atty strategiialyq mańyzy bar maqalasyn talqylaý úshin uiymdastyrylǵan onlain konferentsiia mańyzdy máselelerge toly boldy.
Túrli máseleler jan-jaqty talqyǵa salynyp, keleli oilar aityldy, bir sózben aitqanda atalmysh shara joǵary dárejede ótti.
