Jyl basynan beri eldegi jylqy sany 9,6 paiyzǵa ósken. Bul týraly QR Aýyl sharýashylyǵy ministri Erbol Qarashókeev Úkimet otyrysynda aitty, dep habarlaidy QazAqparat.
«Mal sharýashylyǵynda mal men qus sanynyń óskeni baiqalady. Mysaly, iri qara sany 4,8 paiyz artyp, 8,8 mln basqa jetse, qoi men eshki - 2,6 paiyzǵa, jylqy - 9,6 paiyzǵa, qus - 4,4 paiyzǵa kóbeidi. Sondai-aq, et óndirý kólemi - tiridei salmaqta 6 paiyzǵa, sút óndirý kólemi - 3,3 paiyzǵa ósti», - deidi ministr.
Bul ósim óz kezeginde tamaq ónimderiniń óndirisine de oń áser etken kórinedi.
«Kórsetilgen kezeńde tamaq ónimderin óndirý kólemi 4,8 paiyzǵa ósip, 1 trln 421,2 mlrd teńgeni qurady. Bul rette qant óndirý kólemi - 3 ese, óńdelgen kúrish kólemi - 29,9 paiyzǵa, sary maidyń óndirisi 12,8 paiyzǵa, jarmanyń - 12,6 paiyzǵa, qysqy sút ónimderiniń - 4,5 paiyzǵa, irimshik pen súzbeniń - 3 paiyzǵa, unnyń - 1,5 paiyzǵa, óńdelgen súttiń - 0,9 paiyzǵa jáne ósimdik maiynyń óndirisi 0,5 paiyzǵa artqany baiqalady», - dedi Erbol Qarashókeev.
Vedomstvo basshysynyń aitýynsha, qańtar-tamyz ailarynda aýyl sharýashylyǵynyń negizgi kapitalyna salynǵan investitsiia kólemi 43,2 paiyzǵa ulǵaiyp, 427 mlrd teńge bolǵan.
