Qus tumaýynyń aldyn alý Veterinariialyq baqylaý jáne qadaǵalaý komitetiniń erekshe baqylaýynda, dep habarlaidy "Ult aqparat" QR Aýyl sharýashylyǵy minstrliginiń baspasóz qyzmetine silteme jasap.
Baspasóz qyzmetiniń málimetterine qaraǵanda, Qazaqstanda qus tumaýy men janýarlardyń basqa da juqpaly aýrýlarynyń aldyn alý muqiiat qadaǵalanýda. Statistika derekteri boiynsha Qazaqstanda shamamen 43,6 mln bas qus bar. Olardyń 11,8 mln-ǵa jýyǵy jeke azamattardyń qolynda bolsa, qalǵany syrtqy ortamen bailanysy joq qus fabrikalarynda baǵylyp jatyr.
11,8 mln qusqa jyl saiyn tiisti qarjy bólinip, vaktsina salynady. Iaǵni, aýrýdyń aldyn alý is-sharalary ýaqytynda júrgiziledi.
Aýyl sharýashylyǵy ministrliginiń Veterinariialyq baqylaý jáne qadaǵalaý komiteti joǵary patogendi qus tumaýy tarap ketpeýi úshin monitoringtik baqylaý júrgizip otyrady.
Sondai-aq, veterinarlyq qyzmet kórshi memleketterdegi epizootiialyq jaǵdaidy muqiiat qadaǵalaidy jáne ol jaqta janýarlar aýrýynyń oshaqtary paida bolǵan jaǵdaida jedel sharalar qabyldaidy.
Qazirgi ýaqytta Qazaqstanda janýarlar aýrýlarynyń 45 túri boiynsha epizootiialyq jaǵdai turaqty. Al 23 túri boiynsha diagnostika jáne vaktsina salý arnaiy veterinariialyq-profilaktikalyq is-sharalar júrgizilýde.
Atap aitqanda, janýarlar men qustardy vaktsinalaý boiynsha 151 millionnan astam manipýliatsiia, sondai-aq 68 millionnan astam diagnostikalyq zertteýler júrgizý josparlanýda.
