QR Sybailas jemqorlyqqa qarsy is-qimyl agenttigi jyl basynan beri 520 adamdy sotqa tartqan, dep habarlaidy QazAqparat.
ANTIKOR News aqparat alańynda ótken brifingide Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Begaidarov osyndai statistika keltirdi.
«Jyl basynan beri sybailas jemqorlyqpen bailanysty qylmystyq ister boiynsha barlyǵy 520 adam sottaldy. Onyń ishinde 131 adam para alǵany úshin, 222 adam para bergeni úshin, 12 adam deldaldyq úshin, 71 adam alaiaqtyq úshin, 35 adam aqsha jymqyrǵany úshin, 35 adam laýazymdyq ókilettikterin teris paidalanǵany úshin, 9 adam bilikti nemese laýazymdyq ókilettikterin asyra paidalanǵany úshin sotqa tartyldy», - dedi agenttiktiń asa mańyzd ister jónindegi tergeýshisi.
Daniiar Begaidarovtyń aitýyna qaraǵanda, sotqa tartylǵandardyń ishinde 151 adam bas bostandyǵynan aiyrylsa, 50 adamnyń bas bostandyǵy shektelgen. 308 adamǵa 1,6 mlrd teńgeden astam eselengen aiyppul taǵaiyndaldy.
