قر سىبايلاس جەمقورلىققا قارسى ٸس-قيمىل اگەنتتٸگٸ جىل باسىنان بەرٸ 520 ادامدى سوتقا تارتقان, دەپ حابارلايدى قازاقپارات.
ANTIKOR News اقپارات الاڭىندا ٶتكەن بريفينگٸدە سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەگايداروۆ وسىنداي ستاتيستيكا كەلتٸردٸ.
«جىل باسىنان بەرٸ سىبايلاس جەمقورلىقپەن بايلانىستى قىلمىستىق ٸستەر بويىنشا بارلىعى 520 ادام سوتتالدى. ونىڭ ٸشٸندە 131 ادام پارا العانى ٷشٸن, 222 ادام پارا بەرگەنٸ ٷشٸن, 12 ادام دەلدالدىق ٷشٸن, 71 ادام الاياقتىق ٷشٸن, 35 ادام اقشا جىمقىرعانى ٷشٸن, 35 ادام لاۋازىمدىق ٶكٸلەتتٸكتەرٸن تەرٸس پايدالانعانى ٷشٸن, 9 ادام بيلٸكتٸ نەمەسە لاۋازىمدىق ٶكٸلەتتٸكتەرٸن اسىرا پايدالانعانى ٷشٸن سوتقا تارتىلدى», - دەدٸ اگەنتتٸكتٸڭ اسا ماڭىزد ٸستەر جٶنٸندەگٸ تەرگەۋشٸسٸ.
دانييار بەگايداروۆتىڭ ايتۋىنا قاراعاندا, سوتقا تارتىلعانداردىڭ ٸشٸندە 151 ادام باس بوستاندىعىنان ايىرىلسا, 50 ادامنىڭ باس بوستاندىعى شەكتەلگەن. 308 ادامعا 1,6 ملرد تەڭگەدەن استام ەسەلەنگەن ايىپپۇل تاعايىندالدى.
