2021 jyldyń qańtar-qyrkúiek ailary aralyǵynda ekinshi deńgeili bankter men banktik emes aiyrbastaý pýnkterinen jalpy salmaǵy 822,9 kg ólshengen 22 837 quima satyldy. Qyrkúiek aiynda ótken 2 578 quimanyń jalpy salmaǵy – 108,3 kg, dep habarlaidy Ulttyq Banktiń baspasóz qyzmeti.
Halyq úshin tazartylǵan altyn quimalaryn satý jáne satyp alý baǵdarlamasyn (budan keiin – Baǵdarlama) Ulttyq Bank 2017 jyly iske qosqan bolatyn. Baǵdarlama iske qosylǵannan beri jalpy salmaǵy 2,4 t. 65 416 altyn quima satyldy.
Altyn quimalardyń bes túri satylady: 5,10,20,50 jánk 100 g salmaqtaǵy quimalar. Al satyp alýshylar arasynda eń kóp suranysqa ie quima – 10 gramdyq quima. Onyń jalpy satylym kólemindegi úlesi 29% nemese 18 672 dana.
Odan keiin halyq kóp suraityn quima túri – salmaǵy 100 gramdyq quima. Baǵdarlama bastalǵannan beri 15 001 dana (23%) satyldy, keiin 20 grammdyq quimadan – 12 750 dana (19%), 5 grammdyq quimadan – 10 933 dana (17%), 50 grammdyq quimadan – 8 000 (12%) dana satyldy. Kóbinese, altyn quimalar Almaty, Nur-Sultan jáne Atyraý qalalarynyń turǵyndary arasynda suranysqa ie.
Jalpy, altyn quimalar investitsiianyń senimdi quraly bola alady. Altyn quimalar naryǵyndaǵy joǵary satylymdy qamtamasyz etetin basty faktorlardyń biri – ekinshi deńgeili bankter men banktik emes uiymdar tutynýshyǵa aqshany tapsyrǵan kúni tólep, altyn quimany keri satyp ala alady.
Baǵdarlama iske qosylǵannan beri Ulttyq Banktiń aýmaqtyq filialdary jalpy salmaǵy 21,9 kg ólshengen 229 quimany keri satyp alýǵa qabyldady. Solai bola tura, ekinshi deńgeili bankter men jekelegen banktik emes aiyrbastaý pýnkteri jalpy salmaǵy 236,9 kg ólshengen 9 484 quimany keri satyp alǵan, bul jalpy quimalardyń 14%-yn quraidy. Qabyldanǵan quimalardyń barlyǵy derlik Ulttyq Banktiń aýmaqtyń filialdaryna qaitarylmastan halyqqa satylady.
Árbir altyn quima ony qorǵap turatyn elementtermen (quimalardyń beti qaptalyp, mikroteksi jazylady jáne releft jiegi salynady) jáne arnaiy qorapqa salynyp jasalady, qorap quimany mehanikalyq turǵyda qorǵaidy, ári qorap ashylǵan-ashylmaǵanyn ońai tekserýge bolady. Qorap, sondai-aq, sapa sertifikatyna da jaýap beredi. Sondyqtan, quimany durys saqtap, qorabyn búldirmegen jón.
Qazirgi tańda altyn quimalardy Halyk Bank, Eýraziialyq bank, Jusan Bank, BankTsentrKredit jáne banktik emes aiyrbastaý pýnkterinen satyp alýǵa jáne keri satýǵa bolady.
