Bas prokýratýra kólikti mas kúiinde júrgizgeni úshin jazanyń qalai kúsheitiletinin túsindirdi, dep habarlaidy "Ult aqparat".
Bas prokýrordyń orynbasary Marat Ahmetjanovtyń aitýynsha, búginde kólik júrgizýshisi mas bolsyn, saý bolsyn, adamdy qaǵyp óltirgeni úshin jaza birdei, ary ketse, bes-aq jyl.
"Endi, mas kúiinde osyndai qylmys jasaǵan adam 10 jylǵa bas bostandyǵynan, sondai-aq, ómir boiy kólik basqarý quqyǵynan aiyrylady. Ákimshilik quqyq buzýshylyq kodeksinde mas kúiinde kólik aidaǵany úshin 30 táýlikke deiin ákimshilik qamaý merzimi uzartylyp, kólik júrgizý quqyǵynan aiyrý merzimi 8 jylǵa ulǵaimaq", - dedi Ahmetjanov májilistiń plenarly otyrysynda.
Onyń sózine qaraǵanda, osy sanattaǵy qylmystar boiynsha taraptardyń qaita tatýlasýyna tyiym salynady.
Aita keteiik, ózgeristerdiń bári "Qazaqstan Respýblikasynyń keibir zańnamalyq aktilerine qylmystyq jáne qylmystyq-protsestik zańnamany jetildirý máseleleri boiynsha ózgerister men tolyqtyrýlar engizý týraly" zań jobasynda kórsetilgen.
Búgin májilis depýtattary osy qujatty birinshi oqylymda qarady.
Buǵan deiin Qazaqstan prezidenti Qasym-Jomart Toqaev kólikti ishimdik iship alyp júrgizetinderge qatysty jazany qatańdatýdy tapsyrǵan bolatyn.
