Foto: Aqorda
Prezident meditsinalyq maqsattaǵy buiymdar shyǵaratyn elordalyq kásiporyndar kórmesin tamashalady, dep habarlaidy Ult.kz.
Memleket basshysyna Heart Center Foundation qoǵamdyq qorynyń ókilderi Qazaqstandaǵy kardiohirýrgiia men transplantologiiany damytý missiiasy týraly áńgimeledi.
Qasym-Jomart Toqaevqa biyl mamyr aiynda ALEM innovatsiialyq apparatyn shyǵaratyn zaýyt qurylysy bastalǵany jóninde aqparat berildi.
Foto: Aqorda
Qazaqstandyq injenerler men UMC Júrek ortalyǵy dárigerleriniń biregei jumysy zamanaýi transplantologiiadaǵy basty másele sanalatyn donorlyq organdy saqtaý ýaqytynyń shekteýliligin sheshýdi kózdeidi.
Júrektiń ishemiialyq aýrýlarynyń túrli formalaryn emdeý isine Nazarbaev ýniversiteti tehnoparkiniń bazasynda iske asyrylǵan joba da óz úlesin qospaq. «IHT Central Asia» JShS-i ispaniialyq Iberhospitex S.A kompaniiasynyń tehnologiiasyn ákelip, interventsialdy kardiologiiada qoldanylatyn koronarlyq stent pen ballondyq katater óndirisin jolǵa qoidy.
Foto: Aqorda
Eira Med farmatsevtikalyq kesheni Eýropa Odaǵy elderi men AQSh-tan keletin meditsinalyq buiymdar importyn almastyrýmen jáne tehnologiiany transferleýmen belsendi túrde ainalysady.
Budan bólek, Prezidentke Kazecotech kásipornynyń ǵylymi-tehnikalyq jetistikteri kórsetildi. Sońǵy úsh jylda kompaniia eń úzdik álemdik standarttarǵa sai keletin 250-den astam protez daiyndap, 500 adamdy Ottobock múgedek arbasymen qamtamasyz etken.
Kórmeni aralaǵan soń Qasym-Jomart Toqaev otandyq farmatsevtika indýstriiasy men meditsina buiymdary óndirisin damytýdyń mańyzyn atap ótti.
