Ótken aida Qazaqstanda jumys izdegen zańgerler men qarjygerler kóp boldy. Bul týraly Eńbek resýrstaryn damytý ortalyǵynan málim boldy, dep habarlaidy QazAqparat.
«Qyrkúiek aiynda biliktilikti talap etetin kásipter arasynda zańgerler (331 bos orynǵa qarsy 790 túiindeme), dene shynyqtyrý jáne sport muǵalimderi (1,3 myń túiindeme jáne 965 bos oryn), sondai-aq qarjygerler (238 túiindeme jáne 24 bos oryn) artyq boldy. Biliktilikti talap etpeitin arasynda vahterler men eldi mekenderdi abattandyrý boiynsha jumysshylar arasynda jumys oryndary úshin joǵary básekelestik baiqalady», - delingen ortalyq málimetinde.
Jumys berýshilerdi qarastyratyn bolsaq, bilim berý, aýyl sharýashylyǵy jáne basqa da qyzmetter salasyndaǵy, sondai-aq statistika jáne áleýmettaný salasyndaǵy kásiporyndar Elektrondyq eńbek birjasyndaǵy bos jumys oryndarynyń eń kóp sanyn jariialady.
Óńirler bólinisinde bilim berý salasyndaǵy kásiporyndar Almaty (3,6 myń bos jumys orny), Aqtóbe (2,7 myń), Qaraǵandy (2,3 myń) oblystarynda jáne Nur-sultan qalasynda (2,3 myń) joǵary suranysqa ie boldy. Óz kezeginde aýyl sharýashylyǵy kásiporyndary ońtústik óńirlerde, atap aitqanda Túrkistan (3,5 myń), Almaty (2,3 myń) jáne Jambyl (1,6 myń) oblystarynda bos oryndardyń kóbirek sanyn ornalastyrdy.
